SQO audandarynyŋ bırınıŋ bılım qyzmetkerlerı az qamtylǧan otbasylardan şyqqan balalarǧa arnalǧan noutbukterdı jymqyrdy degen küdıkke ılındı, dep habarlaidy «Adyrna» tılşısı oblystyq Sybailas jemqorlyqqa qarsy qyzmetke sılteme jasap.
Soltüstık Qazaqstan oblysy boiynşa Sybailas jemqorlyqqa qarsy qyzmetı oblys audandary äkımdıkterınıŋ bırındegı bılım bölımınıŋ qyzmetkerlerıne qatysty sotqa deiıngı tergeudı bastady.
Olar pandemiia kezınde az qamtylǧan otbasylardan şyqqan audan mektepterınıŋ oquşylary üşın Bılım basqarmasymen QR Ükımetınıŋ şūǧyl şyǧyndarǧa arnalǧan rezervı esebınen satyp alynǧan noutbukterdıŋ bır bölıgın ūrlady degen küdıkke ılındı.
«Jasalǧan qylmystan memleketke keltırılgen zalal qūny 12 mln. teŋgeden asqan.Qalǧan män-jailar tergeu müddesınde jariia etuge jatpaidy. Is boiynşa tüpkılıktı şeşım tergeu äreketterın jürgızu nätijelerı boiynşa qabyldanatyn bolady»,-dep mälımdedı vedomstvo.
«Adyrna» ūlttyq portaly
