28-nauryz künı Özbekstan astanasy Taşkent qalasyndaǧy Ämır Temır daŋǧylynyŋ boiynda 3-4 azamat köşede ketıp bara jatqan qyz ben jıgıttı LGBT ökılderı dep oilap, olarǧa şabuyl jasaǧan. Būl turaly rolikter internet jelısınde tez tarap kettı.
"Özbekstan jaŋǧyryǧy" Telegram kanaly bır top er azamattyŋ jol jiegınde ūrandatyp bara jatqanyn körsetken. Beinerolik avtorlary azamattar 26-nauryzda Taşkentte bır top jastyŋ anime janküierlerı retınde bas qosuyna qarsylyq bıldırıp, köşege şyqqan dep atady. Jergılıktı BAQ-tyŋ habarlauynşa mitingke 70 şaqty azamat qatysqan.
Qūqyq qorǧau organdary tärtıp būzǧan 12 azamatty ūstaǧan. Olarǧa "būzaqylyq" baby boiynşa aiyp taǧylǧan. Jergılıktı polisiia ökılderı qyz ben jıgıttı 3-4 azamat soqqyǧa jyqpaq bolǧanyn, olardyŋ būl äreketın qoldap, 20-25 jıgıttıŋ tärtıpsızdıkke qosylǧanyn aitty. Barlyq qorǧau şaralaryna qaramastan sol künı keşke anime keşın ūiymdastyrmaq bolǧan tanymal bloger Miraziz Bazarov soqqyǧa jyǧyldy.
Ashat QASENǦALİ,
"Adyrna" ūlttyq portaly
