Nūr-Sūltan qalasynyŋ äkımı Altai Kölgınov Instagram paraqşasynda koronaviruspen küres qalai jürıp jatqanyn mälım ettı, dep habarlady «Adyrna» tılşısı elorda äkımdıgınıŋ resmi saityna sılteme jasap.
«Elorda 21 kün boiy «qyzyl aimaqta» tūr. Soŋǧy künderı täulıgıne 400-ge juyq ındetke şaldyǧu jaǧdaiy tırkelıp otyr. Balalar men zeinetkerler arasynda infeksiia jūqtyru jiıledı. İnfeksiialyq stasionarlardaǧy tösek-oryn jüktemesı 65%-ke jettı. PTR-zertteumen tūrǧyndardy qamtu üşın qalada 24 zerthana jūmys ıstep jatyr. Olardyŋ täulıktık quaty – 12 myŋnan astam. Medisina qyzmetkerlerı, tärtıp saqşylary, mūǧalımder, erıktıler men basqa da qala tūrǧyndary koronaviruspen küreste bır jyldan astam uaqyt boiy aldyŋǧy şepte keledı. Ökınışke qarai, keibır qala tūrǧyndary koronavirusty jeŋe almady. Kün saiyn nauqastar reanimasiiaǧa tüsıp jatyr. Köpşılıgınıŋ densaulyq jaǧdaiy öte auyr dep baǧalanyp otyr. Būl virusty jeŋu oŋai emes. Adamdardyŋ ömırı men densaulyǧyna nūqsan keltıretın virus. Barşa tūrǧynnan saq boludy, öz densaulyǧymyz ben ainaladaǧylarymyzdyŋ densaulyǧyna nemqūraidy qaramaudy sūraimyn. Syrtqa şyqqan soŋ ainalaŋyzdaǧy adamdarǧa qaraŋyz. Bıreudıŋ sanitariia normalaryn saqtamauy basqalardyŋ densaulyǧyna, tıptı ömırıne äser etuı mümkın. Barşaŋyzdy sanitarlyq-epidemiologiia talaptaryn qataŋ saqtauǧa şaqyramyn: maska taǧyp, adam köp jinalatyn oryndarǧa barmau kerek. Jyl basynan bastap vaksinasiia bastaldy. Bırınşı bolyp viruspen küreste aldyŋǧy şepte jürgen medisina, polisiia qyzmetkerlerı, mūǧalımder vaksina aldy. Halyqty vaksinalau säuır aiynyŋ ortasynan bastalady dep josparlap otyrmyz. Ūjymdyq immunitet arqyly ǧana virusty jeŋuge bolady. Qazır qalada bırqatar qosymşa karantindık şekteuler qabyldandy. Būl koronavirustyŋ taralu qaupın azaituǧa, azamattardy qorǧauǧa mümkındık beredı», - dep jazdy ol.
«Adyrna» ūlttyq portaly
