Pavlodar oblysynda apparattyq keŋeste öŋırdıŋ üş basqarmasynyŋ basşysy oblys äkımı Äbılqaiyr Sqaqovtan tärtıptık jaza aldy, dep habarlady öŋır basşysynyŋ baspasöz qyzmetı.
Mädeniet, mūraǧat ısı jäne qūjattama basqarmasynyŋ basşysy Samal Begalinova onomastika komissiiasynyŋ qyzmetın jäne onomastika mäselelerın tiısınşe habarlamaǧany üşın sögıs aldy. Öŋır basşysy osy baǧytta jūmysty retke keltırudı talap ettı.
Būǧan deiın 29 nauryzda Pavlodardaǧy köşe ataularynyŋ auysuyn talqylau boiynşa qoǧamdyq tyŋdau josparlanǧan bolatyn. Alaida 27 nauryzda ol keiınge qaldyryldy. Pavlodar äkımı baspasöz qyzmetınıŋ habarlauynşa, tyŋdau "atauy özgertıletın köşe tızımın qaita qarauǧa bailanysty keiınge auystyryldy".
Äleumettık jelıde taraǧan tızımde 30 köşe boldy, olardyŋ basym bölıgı qoǧam jäne memleket qairatkerlerınıŋ esımın aluǧa tiıs ekenı körsetıldı.
Endı Pavlodardaǧy köşelerdıŋ atauyn özgertu boiynşa qoǧamdyq tyŋdaular 3 säuırge josparlanyp otyr. Bıraq resmi tızım älı jariialanǧan joq.
Sondai-aq, apparattyq keŋes barysynda Äbılqaiyr Sqaqov "Pavlodar" äleumettık-käsıpkerlık korporasiiasynyŋ basşysy Meiram Öteşov pen jolauşylar kölıgı jäne avtomobil joldary basqarmasynyŋ basşysy Marat Zenovqa tärtıptık jaza qoldanǧanyn mälımdedı. Bırınşısı – "Dostyq" şaǧyn audanynda ekı üi qūrylysynyŋ sapasyn baqylamaǧan, ekınşısı – jol jäne kölık infraqūrylymyn kütıp ūstau jäne jolauşylar tasymaly sapasy boiynşa tiıstı jūmys ıstemegen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz