El atyn älemde asqaqtatyp jürgen 21 jastaǧy Sofia Berulseva bügınde Qazaqstan Respublikasynyŋ halyqaralyq därejedegı sport şeberı. Karate-domen ainalysqanyna biyl 14 jyl toldy.
Şymkenttık sportşy özınıŋ jetıstıkterın jattyqtyruşylarynyŋ eŋbegı dep bıledı.
«Alty jasymnan bastap küreske qatystym. Oqyǧan mektebımdegı sport üiırmesıne baryp jürdım. Sporttyŋ osy karate-do salasy özıme öte qyzyq boldy. Sondyqtan üzdıksız daiyndalyp, jeŋıske jetıp kelemın. Jeŋısterımnıŋ barlyǧy jattyqtyruşylarymnyŋ eŋbegı der edım. Alǧaşqy jattyqtyruşym B.Alykov boldy. Qazır Aleksei Repinpen jattyǧyp jürmın. Bılıktı maman Nūrmahan Meldehanov ta ūstazdyq jasaǧan» - deidı näzık karatist.
Sofia Berulseva karateden ötken jastar arasyndaǧy Älem, Aziia chempionattarynyŋ 1-oryn iegerı. İspaniia, Qytai, Türkiia elderınde ötken Halyqaralyq turnirlerdıŋ jeŋımpazy. Al Avstriia, Türkiia jerınde bolǧan Premer-Ligalardan 3-oryndy jeŋıp alǧan.
Aldaǧy basty maqsaty Olimpiada oiyndaryna lisenziia alu. Olimpiadalyq reitingte joǧary orynǧa jetu üşın älı de bar küşımdı jūmsaimyn deidı ol.
Şymkent qalasy äkımdıgınıŋ baspasöz qyzmetı
