ShQO Aqparat ortalyǵynda ótken baspasóz máslıhatynda sý tasqyny kezeńi týraly sóz etildi, dep habarlaıdy “Adyrna” ulttyq portaly Nege.kz saıtyna silteme jasap.
ShQO TJD bastyǵynyń orynbasary Dmıtrıı Tıtovtyń aıtýynsha, óńirdegi birneshe aýdanda sý tasqyny qaýpi bar.
«Altaı, Besqaraǵaı, Glýbokoe, Katonqaraǵaı, Kókpekti jáne Tarbaǵataı aýdandaryndaǵy 19 eldi mekende sý tasqyny bolýy yqtımal. Qutqarýshylar men jergilikti atqarýshy organ ókilderi tasqynnyń aldyn alýǵa jáne onyń saldaryn barynsha azaıtý maqsatynda birqatar sharalardy qolǵa alǵan», – dedi ol.
ShQO Jumyldyrý daıyndyǵy basqarmasynyń basshysy Eldos Chıkenovtyń málimetinshe, óńirde 564 myń tekshe metr qar shyǵarylǵan.
Kólik jáne temir joldardaǵy sý ótkizgishter, kópirler, aryqtar men kanaldar tazalandy.
Respýblıkalyq jáne oblystyq joldar boıynsha 271 kópir men 2871 sý ótkizgish tazalanǵan.
«Qazirgi ýaqytta oblysta jazyq aýmaqta qardyń erýimen jáne ózenderdiń ashylýymen baılanysty sý tasqynynyń alǵashqy tolqyny bolyp jatyr. Gıdrologııalyq jaǵdaı turaqty. Ózenderdegi sý deńgeıi qaýipti deńgeıden tómen. Bul kezeń naýryzdyń ekinshi onkúndiginiń sońynan sáýirdiń ekinshi onkúndiginiń aıaǵyna deıin jalǵasady. Seń júrgen kezde Buqtyrma, Kúrshim, Qaljyr, Ertis, Úlbi, Ýba, Turǵysyn ózenderinde muz keptelisi paıda bolady», – dedi Eldos Chıkenov.
Oblystyq TJD jeke quramy kúsheıtilgen jumys rejımine kóshti.
Óńir aýmaǵynda 2412 tehnıka men 370 motopompadan turatyn arnaıy top qurylyp, 104 evakopýnkt daıyndalǵan.
