Atyrau oblysynyŋ äkımı Mahambet Dosmūhambetov Täuelsızdıktıŋ 30 jyldyǧy aiasynda qazaq küresınen eresekter arasynda ūiymdastyrylǧan «Tüie paluan» saiysyn körıp, jeŋımpazdardy marapattady.
Saiysqa öŋırdıŋ auyr salmaqtaǧy paluandary qatysyp, baq synady. Is-şara «Qazaqstan – sporttyq ūlt» jobasy şeŋberınde «Bäiterek» sport klubynyŋ jüldesıne arnaldy.
Alyptardyŋ küresın sport janküierlerı bastan-aiaq äleumettık jelıler arqyly tamaşalady.
Saiysqa öŋırdıŋ auyr salmaqtaǧy paluandary qatysyp, baq synady. Is-şara «Qazaqstan – sporttyq ūlt» jobasy şeŋberınde «Bäiterek» sport klubynyŋ jüldesıne arnaldy.
«Bügın sızder naǧyz bılektı de jürektı paluandardyŋ quatty küresı qandai bolatanyn körsettıŋızder. Qazaq halqynyŋ töl önerınıŋ tarihy tereŋde. Ǧasyrlar boiy kele jatqan ūlttyq küresımızdı damytu men qoldau jastarymyzǧa da ülken ruh beredı. Olardyŋ namysyn janyp, naǧyz er-azamat bolyp qalyptasuyna oŋ yqpal etedı»,-degen aimaq basşysy Täuelsızdıgımızdıŋ arqasynda ūlttyq sport türlerınıŋ de jandanyp kele jatqanyna toqtaldy. Oǧan ärbır sportşynyŋ ölşeusız üles qosyp kele jatqanyn aita kele oblysta da sportqa airyqşa köŋıl bölınude ekenın atap öttı. «Jyl sanap sporttyq klubtar men ırı keşender sany artuda. Olarda daiyndalatyn jas buynnyŋ da qarasy qalyŋ ekenı quantady. Täuelsızdıktıŋ 30 jylynda sportşylarymyz talai märte halyqaralyq dodalarda kök bairaǧymyzdy jelbırettı. Olardyŋ arasynda el tarihynda ǧana emes, älem tarihynda esımderın altyn ärıppen jazdyrǧan jerlesterımız bar. Mäselen, Pekin Olimpiadasynyŋ qola jüldegerı Arman Chilmanov men Rio Olimpiadasynyŋ jeŋımpazy Nidjat Rahimovty atyraulyqtar erekşe maqtan etedı. Olardyŋ jeŋıstı jolyn jalǧaityn jastarǧa jaǧdai jasau jalǧasady»,-dedı oblys äkımı Mahambet Dosmūhambetov.
Alyptardyŋ küresın sport janküierlerı bastan-aiaq äleumettık jelıler arqyly tamaşalady. 
