Oblystyq №2 infeksiialyq auruhanasynan koronavirus ındetın jūqtyrǧan 20 nauqas "Jedel järdemmen" tasymaldanyp, emın osy nysanda jalǧastyrady.
Ärı qarai nauqastardy qabyldau jūmystary jürgızıledı. Oǧan deiın oblys äkımınıŋ orynbasary Baqytgül Hamenova medisinalyq nysandy aralap, nauqastardy emdeudegı daiyndyq jūmystarymen tanysty.
Byltyr NCOC kompaniiasynyŋ äleumettık jäne infraqūrylymdyq jobalary şeŋberınde salynǧan medisinalyq nysan oblystyq №2 infeksiialyq auruhananyŋ bölımşesı sanalady. Oblystyq densaulyq saqtau basqarmasynyŋ basşysy Ashan Baiduälievtıŋ aituynşa, 200 oryndyq moduldık tiptegı auruhana 4 blokqa bölıngen. Onyŋ 180-ı stasionarlyq tösekke jäne 20-sy reanimasiialyq kereuet pen qarqyndy terapiiaǧa arnalǧan.
Auruhana qūrylysy infeksiialyq baqylaudyŋ barlyq talaptaryna sai jasaqtalǧan. Mūnda diagnostika jäne emdeu üşın zamanaui medisinalyq jabdyqtarmen – kompiuterlık tomografiiamen, sandyq rentgen, medisinalyq gazdar jüiesımen, UDZ, EKG, ökpenı jasandy jeldetu jäne basqa da apparatarmen qamtylǧan. Sondai-aq, qauıpsızdık deŋgeiı joǧary aqyldy jeldetu jüiesı ornatylǧan. Ärbır palatadaǧy tösek-orynnyŋ ärqaisysynda medbikenı şaqyru tüimesı bar. Al, oqşaulanǧan bokstarǧa arnaiy chipter arqyly kıruge bolady. Büirek jetkılıksızdıgı bar nauqastar üşın de gemodializ jasau qyzmetı qolǧa alyndy, – dedı Ashan Marhabaiūly.Bügınde oblystyq №2 infeksiialyq auruhanada koronavirus ındetın jūqtyrǧan 84 nauqas em qabyldauda. Onyŋ 8-ı jansaqtau bölımınde jatyr.
Nauqastardyŋ eŋ ülkenı – 92 jasta, al eŋ kışısı – 30-da. Olardyŋ bügıngı jaǧdailary bırqalypty. Nauqastardyŋ qatarynda 3 jüktı äiel de bar. Būǧan deiın koronaviruspen mektep jasyna deiıngı 2 bala auyryp, emdelıp şyǧaryldy. Al, qazır balalar arasynda auruşaŋdyq joq. Bügın em alyp jatqan pasientterdıŋ 20-syn moduldık tiptegı jaŋa auruhanaǧa tasymaldaimyz. Olar qalǧan emderın osy medisinalyq nysanda jalǧastyrady. Koronavirus ındetın jūqtyrǧan basqa nauqastar bügınnen bastap osy orynda qabyldanady. Sondai-aq, būl auruhanada polimerazalyq tızbektı reaksiiaǧa (PTR) taldau jasaityn ortalyqtandyrylǧan virusologiialyq zerthana jūmys jasaidy. Mūnda täulıgıne 3000 nauqastyŋ taldamalaryn tekseruge mümkındık bar. Būǧan deiın memlekettık PTR zerthanasy Geolog emhanasynda jūmys jasady. Bügınde būl zerthana osy nysandaǧy qyzmetke bırıktırılude, – dedı oblystyq №2 infeksiialyq auruhana direktorynyŋ emdeu ısı jönındegı orynbasary Nadia Erǧalieva.Bügınde medisinalyq mekeme nauqastardy qabyldauǧa tolyq daiyn. Oblys äkımınıŋ orynbasary Baqytgül Hamenova jasalǧan jūmystarǧa oŋ baǧa berdı.
Bügın öŋırde memleket basşysynyŋ tapsyrmasymen, oblys äkımınıŋ bastamasymen ırı mūnai kompaniiasynyŋ demeuşılıgımen salynǧan jaŋa medisinalyq nysannyŋ esıgın aşyp, nauqastardy qabyldauǧa daiyndyq jūmystarymen tanysyp şyqtym. Auruhana joǧary deŋgeidegı arnaiy tazalyq jūmystarymen qamtylǧan. Mūnda därıgerler auysym boiy arnaiy qorǧanyş kiımderımen qyzmet etedı. Men jarty saǧat qana osy kiımmen jürgenımde būlaişa qyzmet etudıŋ auyrlyǧyn jete sezındım. Bızde ärbır därıger bır jyl boiy otbasynan jyraqta, är nauqastyŋ ömırı üşın osylai jürıp kürestı. Olardyŋ eŋbegı erlıkpen para-par. Sondyqtan, bız aqhalatty abzal jandardyŋ aldynda erekşe bas iemız. Öitkenı, därıgerlerdıŋ batyrlyqqa tän eŋbegı eşqaşan ūmytylmaidy. Bügın osy auruhanaǧa em ızdei kelgen ärbır nauqastyŋ dertıne şipa tauyp, janūiasymen aman-esen qauyşuyna tılektespız. Būl jerde medisinalyq qyzmet barlyq zamanaui talaptarǧa sai jürgızıledı. Alǧaşqy tolqyndaǧydai qiyndyqtar bolmaidy dep senemın, – dedı Baqytgül Qaiyrjanqyzy.Aita keteiık, jaŋa auruhanada nauqastarǧa aldyn ala tolyq daiyndyq kurstarynan ötken 15 därıger-infeksionist, reanimatolog qyzmet etedı.
