Qūrmettı qazaqstandyqtar, Sızderge osydan ekı jyl būryn Qazaqstan boiynşa ülken rezonans tudyrǧan oqiǧadan japa şeguşıler ündeu jasap otyrmyz!
Naqty aitqanda 2019 jyly bız - «Kaspii bank» qyzmetkerı bolǧan Ruslan Seksembaevqa aldanyp, san soǧyp qalǧan jüzge juyq pavlodarlyqtarmyz. Ol kezde bärıŋız bılesızder ony ūstau üşın bank on million teŋge syiaqy da jariialaǧan edı. Sonda bız alaiaqtyŋ ūstalǧanyna da quanǧan bolatynbyz.
Qazırgı taŋda eŋkeigen qarttan, eŋbektegen säbige deiın bıletın «Kaspii bank» basşylyǧy bükıl japa şeguşılerdıŋ qarajatyn qaitaryp beremız degen uädesınde ışınara tūrdy deuge bolady. Istı tergeu barysynda Ruslan Seksembaevtyŋ barlyq aila-şarǧylardy qulyqpen atqanǧandyǧy tolyq däleldendı. Bırınşı sot instansiiasy da ony kınälı dep ükım şyǧaryp, toǧyz jylǧa bas bostandyǧyn aiyryp, barlyq şyǧyndardy öteuge mındettedı.
Alaida Ruslan Seksembaev sot ükımımen kelıspei jüzge tarta adamdy oǧan jala jauyp otyr degen jeleumen ıstı qaita qarauǧa şaǧym tüsırgen. Bügıngı taŋda ıs appeliasiialyq sotta qaralu üstınde. Bırınşı tyŋdaular öttı. Jäne sodan keiın bız Ruslan Seksembaevtyŋ eşqandai ökınıp, qanşama adamnyŋ qarajatyn qoldy qylyp, qanşama materialdyq, moraldyq, tıptı densaulyqtaryna ziian keltırgendıgın tüsınbei otyrǧandyǧyn sezındık.
Aramyzda tıptı sol kezde jüktı bolyp, osyndai sūmdyq jaǧdaiǧa tap bolǧanyn estıgen soŋ, stress saldarynan ışındegı balasy merzımınen erte tuylyp, mügedek te bolyp qalǧan äiel bar. Alaiaqtyŋ osyndai sūmdyq jaǧdailardyŋ özı oilandyrmaǧany, jäne tıptı eşqandai aiauşylyq sezım tudyrmaǧany bızdı atalmyş qadamǧa baruǧa itermeleude.
Ündeuımızge qoldau körsetu arqyly japa şeguşılerdıŋ jan aiqaiy, qinalysy men küdıgı seiılıp appeliasiialyq sot barynşa ädıl şeşım şyǧarady degen oidamyz. Sızderden qoldau kütemız!
Daiyndaǧan: Oŋǧar QABDEN,
«Adyrna» ūlttyq portaly
