Jyl basynan berı 4 myŋǧa juyq qazaq "qandas" märtebesıne ie boldy

2021 jylǧy 1 säuırdegı jaǧdai boiynşa 3 966 adam tarihi otanymen tabysyp, qandas märtebesın aldy. Būl turaly Eŋbek jäne halyqty äleumettık qorǧau ministrlıgı mälım ettı, dep habarlaidy Stan.kz aqparat agenttıgı. Jalpy 1991 jyldan berı respublikaǧa şamamen 1 mln 74,3 myŋ etnikalyq qazaq oraldy. Osy jyldyŋ basynan bastap Qazaqstanǧa kelgen qandastardyŋ jartysynan astamy (75,6%) Özbekstannan, 11,9% – QHR-dan, 5,8% – Türkımenstannan, 3,0% – Moŋǧoliiadan jäne 3,6% – basqa elderden. Kelgen etnikalyq qazaqtar negızınen Almaty (32,6%), Türkıstan (16,5%) jäne Maŋǧystau (14,2%) oblystaryna, sondai-aq Şymkent (12,0%) jäne Nūr-Sūltan (5,4%) qalalaryna qonystandy. Aǧymdaǧy jylǧy 1 säuırdegı jaǧdai boiynşa eŋbekke qabılettı jastaǧy etnikalyq qonys audaruşylar sany 59,9%-dy, eŋbekke qabılettı jastan kışı 24,1%-dy jäne zeinetkerler 16,0%-dy qūraidy.