Erjan Aşyqbaev Qazaqstannyŋ AQŞ-taǧy elşısı bolyp taǧaiyndaldy, - dep habarlaidy "Adyrna" tılşısı.
«Memleket basşysynyŋ Jarlyǧymen Aşyqbaev Erjan Nyǧmatullaūly Qazaqstan Respublikasynyŋ Amerika Qūrama Ştattaryndaǧy Tötenşe jäne Ökılettı Elşısı bolyp taǧaiyndaldy», - delıngen habarlamada.
Ol 2013 jyldyŋ jeltoqsanynan berı qyzmet etıp kele jatqan QR Syrtqy ıster ministrınıŋ orynbasary qyzmetınen bosatyldy. AQŞ-taǧy būrynǧy elşı Erjan Qazyhanov Prezidenttıŋ halyqaralyq yntymaqtastyq jönındegı arnaiy ökılı bolyp taǧaiyndaldy. Jaŋa lauazymdy qūrudy Qasym-Jomart Toqaev maqūldady.
Erjan Aşyqbaev 1974 jyly 16 mausymda Almatyda düniege kelgen. äl-Farabt atyndaǧy Qazaq ūlttyq universitetın, Kennedi atyndaǧy basqaru mektebı jäne Garvard universitetın bıtırgen. Halyqaralyq qatynastar mamany, memlekettık basqaru magistrı. Diplomatiialyq mansabyn 1998 jyly Törtınşı bölımde Aziia, Taiau Şyǧys jäne Afrika äkımşılıgınde kömekşı bolyp bastaǧan.
Ol Syrtqy ıster ministrlıgınıŋ ortalyq apparatynda ärtürlı lauazymdarda jūmys ıstedı, sonymen qatar Belgiiadaǧy Qazaqstan elşılıgıne jıberıldı. 2012 jyly ol premer-ministr keŋsesı basşysynyŋ orynbasary, ükımettıŋ resmi ökılı boldy. 2012-2013 jyldary - Prezident Äkımşılıgı Syrtqy saiasat ortalyǧynyŋ jetekşısı bolyp jūmys ıstedı. Onyŋ 1-därejelı Tötenşe jäne Ökılettı Elşısı diplomatiialyq därejesı bar.
"Adyrna" ūlttyq portaly
