Biylǧy jylǧy 1 säuırde Nūr-Sūltan qalasyna Nannin qalasynyŋ Guansi-Chjuan avtonomiialyq audanynyŋ (GChAA) äkımşılık ortalyǧynan pilottyq konteinerlık poiyz keldı. Jaŋa qyzmet «Bır beldeu – bır jol» qazaqstandyq – qytailyq bastamany ıske asyru şeŋberınde ūiymdastyryldy, dep habarlaidy «Qazaqstan temır joly» ūlttyq kompaniiasynyŋ baspasöz qyzmetı.
Konteinerlık poiyz 17 nauryzda Nannin halyqaralyq temırjol portynan jolǧa şyǧyp, 5 myŋ şaqyrymnan astam joldy jürıp ötıp, auyr qūrylys tehnika artylǧan 49 qyryq futtyq konteinerdı jetkızdı.
«KTZ Express» AQ Qytaidaǧy ökıldıgınıŋ basşysy Nūrsūlu Jolbasqanovanyŋ aituynşa, jaŋa logistikalyq arna jüktı jetkızu uaqytyn 3 ese ünemdeuge mümkındık berdı. Būryn Qūrylys tehnikasy avtomobil kölıgımen tasymaldanatyn. Jetkızu uaqyty 45 künnen asatyn.
