Iаssaui serialy Qazaqstanda körsetıledı

Türkiia Respublikasy Dın ısterı basqarmasynyŋ töraǧasy Ali Erbaşpen kezdesude ministr A.Balaeva Türkiia universitetterınde Qazaqstan mūsylmandary dıni basqarmasynyŋ jıberuımen qazaqstandyq teologtardy daiarlaudaǧy yntymaqtastyqty odan ärı tereŋdetu men nyǧaituǧa müddelılık bıldırdı, dep jazady «Adyrna» ūlttyq portaly. Jūmys sapary barysynda äsırese Türkiianyŋ teledidar naryǧynyŋ jetekşılerımen ötkızgen kezdesulerge erekşe män berıldı. Atap aitqanda, "TRT" memlekettık tele-radiokompaniiasynyŋ basşysy İbrahim Erenmen, Türkiianyŋ "Anadolu" aqparattyq agenttıgınıŋ basşylyǧymen jäne Stambuldaǧy teleserialdar tüsıru alaŋynyŋ direktory Iаhei Taip Aidenizben kezdesuler öttı. Ministrlık bırlesken kontent qūru, onyŋ ışınde ortaq türkı mädenietı men tarihyn tanymal etu mäselelerı boiynşa televiziialyq önımderdıŋ türık öndıruşılerımen yntymaqtastyǧynyŋ kölemı men sapasyn arttyruǧa daiyn. Aita keteu kerek, "Qazaqstan" RTRK men Türkiianyŋ "TRT" memlekettık tele-radiokompaniiasy arasynda "Qorqyt ata" bırlesken televiziialyq jobasyn qūru turaly kelıssözderdı bastau turaly kelısımge qol jetkızıldı. Sondai-aq, Türık tarapy tüsırgen Qoja Ahmet Iаssaui turaly telehikaianyŋ körsetılımı Qazaqstan körermenderıne de taiau arada körsetıletını belgılı boldy. Televiziialyq mamandardyŋ täjıribe almasuy aiasynda Aida Balaeva Türkiianyŋ jetekşı mamandaryn qazaqstandyq ärıptesterın oqytuǧa jäne üiretuge şaqyrdy. Ol būl baǧyttaǧy jūmysty pandemiia kezındegı epidemiologiialyq jaǧdai tūraqtalǧannan keiın oflain-formatta ūiymdastyruǧa bolatyndyǧyn atap öttı. Ministr Türkiianyŋ media salasy men şyǧarmaşylyq toptarynyŋ ökılderın osy jyly ıske qosylǧan "Turkistan" telearnasynyŋ jobalaryna qatysuǧa şaqyrdy. Ministr Aida Balaeva Türkiia Prezidentı Äkımşılıgınıŋ qoǧammen bailanys jönındegı Bas basqarmasynyŋ basşysy Fahrettin Altunǧa şaqyrtu üşın alǧys aityp, ony QR "Aqparat salasynyŋ üzdıgı" tösbelgısımen marapattady. Ol Qazaqstan men Türkiiany Elbasy Nūrsūltan Nazarbaev pen Prezident Qasym-Jomart Toqaev erekşe nazar audaryp otyrǧan dostyq qarym-qatynastar bailanystyratynyn atap öttı. QR AQDM basşysy özı basqaratyn vedomstvonyŋ jetekşılık etetın salalary boiynşa ärıptestıktı odan ärı damytuǧa daiyndyǧyn jetkızdı.