Lavrov Qazaqstanǧa ne maqsatpen kele jatyr?

RF SIM Lavrov Qazaqstanǧa keledı dep jatyr. Ne üşın? Ony tüsınu üşın onyŋ osynyŋ aldynda Qytaiǧa baryp kelgen saparyn taldap körelık. Ärine, masştab teŋ emes - Qytai iadrolyq qaruy bar superderjava qatarynda jäne BŪŪ tūraqty müşesı, al Qazaqstan... basşysy qaita-qaita älemdık deŋgeidegı ūsynystarymen jūrttyŋ basyn qatyryp, tıptı keibıreulerdıŋ kekesın-mysqylyna qalyp basqalarǧa mazaq bolyp jürgenın özı de tüsınbeitın, Ortalyq Aziiadaǧy qatardaǧy memleketterdıŋ bırı ǧana. Soǧan qaramastan keibır närseler oiǧa oralady. Lavrovtyŋ Qytaiǧa sapary öte sätsız aiaqtalǧan. Reseige bola Qytai Batys elderımen jamanattaspaidy. Älemdık ekonomikadaǧy ülesı 1.5 %-tı qūraityn RF üşın bıreumen şekısıp qaitedı? Lavrovtyŋ Qytaimen bırlesıp Batysqa sanksiia salsaq qaitedı degen ūsynysy da ötpei qalǧan. Salsa Qytai özı salady, bıraq RF-men bırlesıp emes. Sondyqtan da äşeiınde bız de simmetriialy türde sanksiia salamyz dep guıldep jatatyn RF BAQ-tary ünsız qaldy, soŋǧy sanksiiaǧa tıptı jauap qatuǧa da şamalary kelmedı. Qytai Reseige bola dollardan bas tartpaidy jäne Batystyq tölem sistemasyn qoldana beredı (SWIFT). Qytai tıptı RF-men qandai da bolsyn, odaq qūrudan (onyŋ ışınde äskeri de) bas tartty. Batysqa qarsy küreste söitıp RF japadan-jalǧyz qaldy. Qytai senımderın aqtamady. Endı qaitpek kerek? Būl endı EAEO aiasynda bızderdı öz ısterıne aralastyrmaq pa degen oi keledı. Mysaly sızder de dollardan bas tartyŋyzdar dese? Nemese SWIFT-ten bas tartyŋyzdar deuı mümkın-au? Sanksiia jönınde tüsınıktı boldy - bız tügılı RF özderı de sanksiia saluǧa şamalary jetetın emes. Tolyq täueldı bolyp otyryp sanksiia bızdıŋ ne teŋımız? Dollar da, SWIFT te solai. Endı ne qaldy? Äskeri odaq. ODKB aiasynda Ukrainaǧa qarsy soǧysta bızge jaqtas deuı mümkın delık. Būl tıptı mümkın emes närse, sebebı Ukraina eşkımge agressiia jasaǧaly otyrǧan joq. Agressor sol RF-nyŋ özı. Endeşe ODKB Jarǧysy boiynşa bızdıŋ Ukrainada ne jūmysymyz bar? Däl Qarabaqtaǧy siiaqty jaǧdai ǧoi - onda ärmender bızderdı sol soǧysqa tartqysy keldı, bıraq bolmady. Myna jaǧdaida da bolmauy kerek. Endı ne qaldy? Qalaida AES sal demese? Jalpy Astanadaǧy aua-raiyn sūrap, şaldyŋ densaulyǧyn bılıp keiın qaitady da, basqa ne bıtıredı?