Önerde şek joq!

    Daryndylyq – nazardy talǧampaz taŋdauǧa laiyqty obektılerge audarta bılu, jadtan äserlerdı alyp şyǧu, olardy şyǧarmaşylyq qiial ūsynatyn assosiasiia men bailanystar jüiesıne engızu. Är adamnyŋ boiynda türlı daryn bar. Dese de ony tolyq ūstai alu – öner. Naǧyz ısmer, #kairataisulu brendınıŋ negızın qalauşy Aisūlu Qūrmanbekqyzynyŋ boiyndaǧy talant jaily keiıpkerımızdıŋ özımen äŋgımemızdı jalǧastyrsaq. - Būl brend basynda jai ǧana hobbi retınde bastaldy. Negızgı mamandyǧym – injener. Üide dekrettık demalysta otyrǧan kezımde sömkelerdı qyzyǧuşylyq retınde tıgıp bastadym. Mıne, 4 jyldan asa uaqyt öttı, qazır Nūr-Sūltan qalasynda kışıgırım şeberhanamyz bar. Sol jerde sömkelerımızdı satamyz. Äleumettık jelıde instagram paraqşasyn jürgızemız. Tapsyrys qabyldap, Qazaqstanǧa äigılı, ataqty änşılermen, telejürgızuşı, blogerlermen jūmys jasaimyz. Qasymda bırge qyzmet atqaratyn ekı kömekşım bar.   Sömkeler bızde ekskliuzivtı, qazaqşa naqyşpenen, oiumen, vintajdy jäne zamanaui stilde. Sondai-aq, sömkeler bastan-aiaq qoldan tıgıledı. - Şabyt – oidyŋ anyqtyǧynyŋ, jūmysynyŋ qarqyndylyǧynyŋ, ömırlık jäne körkem täjıribenıŋ quatty türde «syrtqa şyǧaryluynyŋ» jäne onyŋ tıkelei şyǧarmaşylyqqa qosyluynyŋ airyqşa şyǧarmaşylyq ahualy, formany erekşe sezınuındegı asqan şeberlık. Būl da önerdıŋ bır türı bolǧandyqtan mındettı türde şabyt kerek. Ärtürlı eskizderdı jasar aldynda neden şabyttanasyz? - Qolym tise, tabiǧat aiasyna şyǧuǧa tyrysamyn. Şabyt degen qyzyq dünie ǧoi. Şabyt kelgen kezde sen ūiyqtap jatsaŋ da meilı, qandai ıspen ainalyssaŋ da qiialdyŋ jetegıne erıp ketesıŋ. Mysaly, men özım şabyttanyp tūrsam bırden qalam menen qaǧazdy qolǧa alyp, sol oiǧa kelıp tūrǧan, eske tüsıp tūrǧan sömkelerdıŋ beinesın nemese tıgısterdı naqtylap qaǧazǧa tüsırıp aluǧa tyrysamyn. Bız sömkenıŋ betın ärleitın bolǧandyqtan, köz aldyma kelgen tüsterdı esıme bırden saqtap aluǧa bar küşımdı salamyn. - Sömke modelderınıŋ pışının, kölemın tapsyrys beruşılerdıŋ özderı aita ma, älde sızderden ūsynys küte me? - Sömkenıŋ ölşem bırlıgın ärine tapsyrys beruşı aitady. Alaida, bız ol sömkege professionaldy közqarasymyzdy bıldırıp otyramyz. Qalai jasaǧan dūrys bolady dep, jūmysymyzdan şet qaldyrmaimyz. Sol sebeptı, tapsyrys beruşımen ärdaiym ortaq şeşımde bolamyz. - Sömke üşın tüsterdı bır-bırımen üilestıre bılıp, matany dūrys taŋdau – ülken şeberlık. Mata, äşekeilerdı arnaiy tapsyryspen aldyrasyzdar ma? - İä, arnaiy dükenderden matalardy tapsyryspen aldyryp jatamyz. Mysalyǧa, ärleu üşın «kişma» degen dünie kerek bolady. Ol – furnitura. Keide İndiiadan arnaiy aldyrtamyz. Qolönerı bolǧandyqtan, köbınese barlyǧyn özımız jasaimyz. - Özge qalalarda master-klass sabaqtaryn ötkızıp tūrasyz. Qatysu üşın ötınış hattar da jiı keletın şyǧar. Qazır pandemiiaǧa bailanysty sabaqtardy onlain jüiede ötkızesız be, älde toqtatyp qoidyŋyz ba? - Būryn özge qalalarda master-klass ötkızgen bolatynmyn. Ol – köbınese sūranys boiynşa: Almaty, Şymkent qalalary. Bıraq pandemiiaǧa bailanysty, ökınışke orai, eşqandai master-klass ötkızıp jatqan joqpyn. Onlain master-klastar da uaqytşa toqtatylyp qoidy. - Aldaǧy uaqytqa qandai josparlaryŋyz bar? Şeberhana sanyn köbeitu sekıldı? - Ärine, aldaǧy uaqytqa josparlar öte köp! Aldymen ışkı naryqty qamtamasyz etu kerek. Odan keiın şet elderge şyǧu. Qazaǧymyzdyŋ oiu-örnegın älemge paş etu. - Jauaptaryŋyzǧa köp rahmet! Ūlttyq qūndylyǧymyzdy är qyrynan därıpteitın özıŋızdei jandar köbeie bersın demekpız.  

Aidana BEISEN,

"Adyrna" ūlttyq portaly