BQO-da Janǧaly mektep-gimnaziiasynyŋ direktory mektep oquşysyna ögei äkesı jynystyq sipattaǧy äreket jasaǧanyn bıle tūra jasyrdy degen küdıkke ılındı. Ol qyzmetınen bosatylyp, üi qamauyna alyndy, - dep habarlaidy Tengrinews.kz.
Qūqyq qorǧau organdary oqu ornynyŋ basşysy qyzdyŋ otbasynda bolǧan jaǧdaidy bıle tūra habarlamady dep küdıktenedı.
Oqiǧa 2019 jyly bolǧan. Sol kezde 10 jasta bolǧan mektep–gimnaziiasynyŋ oquşysyna ögei äkesı jynystyq sipattaǧy äreket jasaǧan. Ol üşın qamauǧa alyndy. 2020 jyly er adam 20 jylǧa bas bostandyǧynan aiyryldy.
Jaqynda "MG" redaksiiasyna mektep-gimnaziia direktorynyŋ tuystary habarlasyp, ony qamauǧa alynǧanyn jäne jauapqa tartyluy mümkın ekenın aitqan. Tergeuşıler mektep basşysy men mūǧalımderınen oquşyǧa zorlyq-zombylyq jasalǧanyn bıldı jäne ol turaly qūzyrly organdarǧa habarlamady dep küdıktenedı.
Küdıktınıŋ advokaty Aislu Biialievanyŋ aituynşa, aiyptau tek jäbırlenuşı qyzdyŋ sözıne negızdelgen jäne kez kelgen mūǧalım būl jaǧdaiǧa tap boluy mümkın.
"Mektep direktoryn demalys kezınde mektepten tys uaqytta jasalǧan qylmys üşın jauapqa tartqaly jatyr. Tergeu barysynda qyz 2019 jyldyŋ säuırınde Jaŋǧaly mektep-gimnaziiasynyŋ mūǧalımderıne anasynyŋ azamattyq nekedegı küieuı qysym körsetkenın habarlaǧanyn aitty. Polisiia direktor men mektep-gimnaziianyŋ taǧy tört mūǧalımınen jauap aldy. Olar qyzdyŋ sözderın tolyǧymen joqqa şyǧardy. Olar aiǧaqtaryn sotta da rastady", - dedı Aislu Biialieva.
