Äskeri qairatker, polkovnik, äskeri ǧylymdardyŋ kandidaty — Kim Serıkbaiūly Serıkbaev 87 jasynda ömırden öttı. Būl turaly Marat Jünıs-Bek Facebook paraqşasynda mäılım ettı, dep habarlaidy "Adyrna" tılşısı.
Marat Jünıs-Bek jazbasynda:
"Keşegı Keŋestıŋ tūsynda şen taǧyp, şekpen kigen qazaq balasynyŋ az bolǧany köpke mälım. Bız bıletın polkovnik Kim Serıkbaiūly Serıkbaev sol az ǧana şoǧyrdyŋ ışınde şoqtyǧy biık tūlǧanyŋ bırı bola bıldı. Ony menen artyq bılesızder... Tūrmys-tırşılıgınde jäne ǧūmyrlyq qyzmetınde ton Raisadai asyl apamyzdyŋ süiıktı jary, balalarynyŋ qamqor äkesı, nemerelerınıŋ aqylgöi atasy, täuelsız Qazaq äskerınıŋ negızın qalauşylardyŋ bırı, qazaq Äskeri ǧylymynyŋ tarlany, maŋdaiymyzǧa bıtken tūŋǧyş äskeri ǧalym, köptegen kıtaptardyŋ jäne ǧylymi jūmystardyŋ avtory, Bauyrjantanuşy, qara sözden qamşy örgen söz zergerı, tanymal generaldar men polkovnikterdı tärbielep şyǧarǧan ūstaz, naǧyz ıstıŋ adamy, danagöi bılım iesı, batagöi aqsaqal bolyp edı... Osyndai asyl azamat bügın ömırden ötıptı... Jaqsylyqtyŋ janaşyry edı ǧoi... Asqan bedelıne asqaqtamaǧan jan edı ǧoi... Tūrpaty bölek Sızdei tarlan tūlǧamen, bılımdar janmen tanys bolǧanymdy, aralasqanymdy, är sözıŋnen ömırlık tälım alǧanymdy, dastarhandas jäne dämdes bolǧanymdy, t.b. tolyp jatqan adami qasietterıŋdı körgenımdı qūrmet tūtuşy edım. Kezdese qalsaq qūşaq jaiyp sälem berıp, telefonmen söilessek tık tūryp tyŋdauşy edım sözıŋdı. Tumasaŋ da, tuǧan aǧamdai bataŋdy berıp jüruşı edıŋ... Qoş bol, qadırlı aǧa! Qoş bol, joldas polkovnik!" dep jazdy.Serıkbaev Kim Serıkbaiūly - 1934 jyldyŋ 14 qaŋtarynda tuǧan. Aqtöbe oblysy,Hromtau audany, Köptoǧai auylynyŋ tumasy. 1952 — 56 jyldary qazırgı QazMU-de, Ufa äskeri uchilişesınde oqyǧan. 3-därejelı “KSRO Qaruly küşterınde Otanǧa qyzmet etkenı üşın” ordenımen, köptegen medaldarmen marapattalǧan.
"Adyrna" ūlttyq portaly
Ūqsas jaŋalyqtar
