Jetisý óńirinde Almaty oblysynda 62 aýyl sharýashylyǵy jáne ónerkásiptik kásiporyny COVID-19 qarsy ekpe egý jumysyn bastady. Nátıjesinde 2,5 myńnan astam jumysshy vakınaııa aldy.
Jalpy óńirde halyq arasynda ekpe egý naýqany jalǵasýda. 20 sáýirdegi jaǵdaı boıynsha koronavırýstyq ınfekııaǵa qarsy vakınanyń I komponentimen 101 477 adam egildi, II komponentimen taǵy 10 432 vakınaııalandy. Kásipkerlerdiń aıtýynsha, pandemııa kezinde qyzmetkerler men shyǵarylatyn ónimderdiń qaýipsizdigin qamtamasyz etý úshin sanıtarlyq baqylaý sharalaryn saqtaý jetkiliksiz, vırýsty juqtyryp almas úshin vakına alýdy qamtamasyz etý mańyzdy.
Sońǵy aptada Almaty oblysynda ekpe egý naýqanyna 62 jeke kásipker, aýyl sharýashylyǵy keshenderiniń, sút zaýyttarynyń jáne ónerkásiptik kásiporyndardyń ujymdary qosyldy. Osylaısha, bıznes nysandary men vakınaııa pýnktterinde 2,5 myńnan astam qyzmetker COVID-19 qarsy vakınasyn aldy.
Ekpeden buryn dárigerler qyzmetkerlerge vakına komponentiniń artyqshylyqtary men qarsy kórsetilimderi týraly keńes beredi. Vırýsqa qarsy ımmýnıtetti alǵysy keletinderdiń árqaısysymen jeke saýalnama jáne medıınalyq tekserý júrgiziledi.
Oblystyń eńbek ujymdary arasynda alǵashqylardyń biri bolyp Taldyqorǵan qalasyndaǵy «Shymyr» JShS qyzmetkerleri ekpe saldyrdy. Qurylys kompanııasynda 100-den astam maman bar. Osy aıda qyzmetkerlerdiń 15% ekpe alsa, shilde aıyna deıin qyzmetkerlerdiń jartysynan kóbi vakınaııalaýdy josparlap otyrǵanyn jetkizdi kásiporyn dırektory Rýslan Valıshanov.
- Synǵa qaramastan, vakına - pandemııamen kúresýdiń eń tıimdi ádisi. Óıtkeni onyń kómegimen kóptegen indetterdiń emi tabyldy. Bul vırýsty da osylaı jeńýge bolady. Kompanııanyń qyzmetkerlerimen birge denimiz saý jáne myqty bolýymyz úshin ekpe jasattym, - dedi «Shymyr» JShS qyzmetkeri Nadejda Bazıak.
Osy kúnderi elimizdegi balmuzdaqtyń iri óndirýshisi «Shın-Laın» kásiporny óz qyzmetkerlerin vakınaııalaý boıynsha aýqymdy naýqan bastady. Kásiporynda ekpe saldyrý 15 sáýirde bastalyp, mamyr aıynyń sońynda aıaqtalady. Osy ýaqytqa qarsy kórsetilimderi bar qyzmetkerlerdi qospaǵanda, jumysshylardyń shamamen 70% vakınaııalaý josparlanýda. Óz kezeginde kompanııa basshylyǵy da ekpe alǵan. "Kásiporyn ujymyn vakınaııalaý týraly sheshim búgingi kúni adamdardy COVID–19 juqtyrýdan qorǵaýdyń jalǵyz senimdi ádisi bolyp tabylady, ári kompanııanyń úzdiksiz jumys isteýine múmkindik beredi", - deıdi zaýyt ókilderi. Búgingi tańda 180-ge jýyq qyzmetker ekpe aldy.
- Qyzmetkerler úshin koronavırýsqa qarsy ımmýnıtetpen qorǵalǵan ujymdaǵy aýysymda bolý áldeqaıda tıimdi. Bul adamdardyń jeke qaýipsizdik máselesiniń sheshimi. Kompanııa óziniń árbir qyzmetkerin baǵalaıdy jáne ónimniń qaýipsizdigin qamtamasyz etý úshin barlyǵyn jasaýǵa ázir. Sonymen qatar, ujymdaǵy vakınaııa kásiporyn ekonomıkasyna oń áserin tıgizedi, sondyqtan ótken jyldaǵydaı karantın sharalaryn engizýdiń qajettiligi bolmaıdy dep oılaımyn, - deıdi «Shın-Laın» JShS bas dırektory Vladımır Pak.
Al Balqash aýdanynda «Dinara – Ranch» agrofırmasy» JShS jáne «DINARA» óndiristik kooperatıviniń 163 qyzmetkeri de ekpe saldyrdy.
- Vakınaııa saldyrý ne saldyrmaý – árkimniń óz erkinde. Ekpe naýqany bastalǵan kezde biz qyzmetkerler arasynda túsindirý jumysyn ótkizip, onyń artyqshylyqtary men qarsy kórsetilimderi týraly aıttyq. Kóptegen jumysshy ózin qaýipsiz sezinýi úshin vakına egý týraly sheshim qabyldady. Biz qyzmetkerlerdiń tańdaýyn qoldaı otyryp, ujymdyq ımmýnıtettiń qalyptasýy arqasynda pandemııany betin beri qarata alamyz dep sanaımyz, - dedi «Dinara-Ranch» agrofırmasy» JShS bas dırektory Baqyt Ataıbekov.
Panfılov aýdanynda Qazaqstan men TMD-daǵy iri krahmal-sirne zaýyty «Jarkent krahmal-sirne zaýyty» JShS kásiporyn bazasynda 600-den astam qyzmetkerge COVID-19-ǵa qarsy vakınaııalaýdy uıymdastyrdy. Zaýyt ókilderiniń aıtýynsha, kásiporyn qyzmetkerleriniń qaýipsizdigi men ekonomıkalyq turaqtylyǵy «Ýnıversal» kompanııalar tobynyń basty basymdyqtarynyń biri bolyp tabylady.
Sonymen birge, ekpe egý naýqanyna «Food Master» JShS, «Adal» JShS, «Astory» JShS, «Kagazy Recycling» JShS, «Efes Kazakhstan» JShS, «Qazger» JShS, «SKTB Granıt» JShS, «Kaz Glass Company» JShS, «Alataý qus» AQ jáne basqa da kóptegen iri ónerkásiptik kásiporyndar belsendi túrde qosyldy.
Almaty oblysynyń Bas memlekettik sanıtarlyq dárigeri Erǵalı Sydymanov atap ótkendeı, aımaqta vakınadan keıingi reakııalar men asqynýlar tirkelgen joq. Jalpy Almaty oblysynda 239 egý pýnkti, 134 kóshpeli brıgada ázirlengen. Ár pýnkttiń ótkizý qabileti - 7 myńnan astam adamdy quraıdy.
