Qazaqstanda jaŋa oqu jylynan bastap oblystardaǧy 100-150 mektepte qazaq tılın oqytudyŋ jaŋa ädıstemesı engızıledı. Būl turaly bügın bılım jäne ǧylym ministrı Erlan Saǧadiev Aqtöbede pedagogtarmen kezdesuınde aitty dep habarlaidy Azattyq tılşısı.
Saǧadievtıŋ sözıne qaraǧanda, qazır Qazaqstanda orys mektepterınde oqityn 500 myŋnan astam bala qazaq tılın bılmeidı jäne būl mäselenı şeşude qazaq tılın oqytudyŋ jaŋa ädıstemesı daiyndalǧan.
- Balany söileuge "mäjbürleitın" būl kommunikativtı ädıstemenı qoldanuda sözdık qor şekteulı bolady. Sol arqyly oquşylardy meilınşe jyldam qazaqşa söiletemız. Ministrlık sonymen qatar jiı qoldanylatyn sözderdıŋ sözdıgın de äzırlep qoidy, - dedı Saǧadiev.
Ministrdıŋ mälımetınşe, mektep jasyndaǧy qazaq balalarynyŋ 90 paiyzy ana tılın bıledı.
Oblystyq bılım beru basqarmasynyŋ habarlauynşa, ministr men pedagogterdıŋ kezdesuı jabyq türde ötken.
