Qasym-Jomart Toqaev «Qazaqstannyŋ 100 jaŋa esımı» jobasynyŋ jeŋımpazdaryn qūttyqtap, olardyŋ öz darynymen köpşılıktı moiyndata bılgenın, memleketımızdı örkendetuge aiyryqşa üles qosyp kele jatqanyn aitty. Olar bızdıŋ halqymyzdyŋ maqtanyştary, özge elder Qazaqstandy osy azamattar arqyly tanyp, baǧalaidy.
– Qazaqtyŋ qandai halyq ekenın jer jüzıne tanytyp jürgen bırneşe azamat osy jobanyŋ jeŋımpazy atandy. Bız türlı salada jetıstıkke jetken osyndai otandastarymyzdyŋ eŋbegın därıpteuımız kerek. Öitkenı tabysty jandardyŋ täjıribesı ärdaiym basqalarǧa ülgı-önege. Öskeleŋ ūrpaq özderıŋızge qarap boi tüzeidı, ūqsauǧa tyrysady. Men elımızdıŋ ärbır perzentı sızder siiaqty önegelı bolsyn dep tıleimın, – dedı Prezident.Memleket basşysy tereŋ bılımın ozyq täjıribemen ūştastyra bılgen azamattardyŋ elımızdı alǧa jeteleitınıne senımdı. Prezident Täuelsızdık kezeŋınde ösıp jetılgen buynnyŋ qarym-qabıletın joǧary baǧalady.
– Bılımdı ärı sanaly ūrpaq tärbieleu – būl asa maŋyzdy memlekettık mındet. Elımızdıŋ bolaşaǧy daryndy, otanşyl jastardyŋ qolynda boluy kerek. Solai bolaryna kämıl senemın. Osy strategiialyq maqsatqa qol jetkızu üşın jüielı reformalardy mındettı türde jalǧastyramyz, – dedı Memleket basşysy.Prezident qoǧamdaǧy bırlık pen kelısımnıŋ, barşa qazaqstandyqtardyŋ jasampaz eŋbegınıŋ arqasynda damuda aitarlyqtai alǧa ılgerılegenımızdı atap öttı.
– Būl jerde bızdıŋ jetıstıkterımızdı körsetetın köptegen sandar men derekterdı mysalǧa keltıruge bolady. Bıraq barlyq tabys adamdardyŋ berekelı ömırımen, jetken jetıstıgımen jäne kemel keleşekke ūmtylysymen ölşenetının este ūstauymyz kerek. Sızder elımızdıŋ bailyǧy ekenderıŋız sözsız. Ösıp-örkendegen, ädılettı, damyǧan Qazaqstandy qūru sızderge jükteledı. Sondyqtan adam kapitalyn jan-jaqty damytu bızdıŋ memleketımızdıŋ basty basymdyǧy bolǧan jäne solai bola bermek, – dedı Qasym-Jomart Toqaev.Osy uaqytqa deiın «Qazaqstannyŋ 100 jaŋa esımı» jobasyna 7,5 myŋ adam qatysyp, elımız talai talantty, talapty qazaqstandyqtardyŋ atyn tanydy.
– Osy jobanyŋ arqasynda özınıŋ erekşe emdeu täsılımen köptegen adamǧa perzent süiu baqytyn syilaǧan därıger-reproduktolog Aidos İbragimovty bükıl elımız tanydy. Jobanyŋ 2019 jylǧy qatysuşysy İmanbek Zeikenov jaqynda ǧana «Grammy» syilyǧyn jeŋıp alyp, onyŋ aty bükıl älemge jaiyldy. Onyŋ jetıstıgı tek Qazaqstan üşın ǧana emes, TMD üşın de teŋdesız. Jobanyŋ törtınşı mausym jeŋımpazdarynyŋ jetıstıkterı de eşkımdı bei-jai qaldyrmaidy, – dedı Memleket basşysy.Jobanyŋ ärbır qatysuşysyna qarata aitqan sözınde Qasym-Jomart Toqaev olardyŋ jetıstıgı Qazaqstan tabysynyŋ körınısı ekenın, olar özderınıŋ patriottyq äreketı arqyly barşa qazaqstandyqtardy yntalandyratynyn atap öttı.
– Sızderdıŋ jetıstıkterıŋız kez-kelgen statistikadan artyq. Osynau keremet joba sızderdı odan ärı damuǧa erekşe talpyndyryp, qoǧam men el igılıgı üşın jaŋa ideialardy ıske asyrudyŋ keŋ kökjiekterın aşty dep senemın. Elımız özınıŋ daryndy jastarynyŋ köptıgımen maqtana alady jäne maqtanuǧa tiıs. Qazaqstannyŋ bolaşaǧy sızderdei progressivtı, talantty, patriot jastardyŋ qolynda. Sızder memlekettıŋ basqaru tızgının qolǧa aluǧa daiyn bolularyŋyz kerek. Al bız, iaǧni aǧa tolqyn, osy aitqan sözımızdıŋ şyndyqqa ainaluy üşın barlyǧyn jasaimyz, – dedı Prezident.Memleket şyǧarmaşylyqqa, bılım men ǧylymǧa, jastardy qoldauǧa basa nazar audaryp otyr. Osy jolda tiımdı äleumettık lift qalyptastyrudyŋ orny bölek. «Bolaşaq» halyqaralyq stipendiiasy, Prezidenttık jastar kadrlyq rezervı öskeleŋ ūrpaqtyŋ el damuyna öz ülesın qosuyna mol mümkındık berıp otyr.
– Bızdıŋ ūltymyzdyŋ boiynda kreativtı industriiany damytudyŋ asa zor mümkındıgı bar. Däl qazır kreativtı ekonomika milliardtaǧan dollar investisiia tartudyŋ, tūraqty ekonomikalyq ösudıŋ, äleumettık örkendeudıŋ bırden-bır joly. Qazaqstan mädenietınıŋ ökılderı öŋırlık jäne jahandyq deŋgeide öz oryndaryn oiyp tūryp alyp jatyr. Bız osy mümkındıktı elımızdıŋ mädenietın älemge tanytudyŋ joly retınde qarastyruymyz kerek. Sondyqtan men Ükımetke osy strategiialyq maŋyzdy salany qoldau üşın keşendı şaralar qabyldaudy tapsyrdym, – dedı Qasym-Jomart Toqaev.Memleket basşysynyŋ pıkırınşe, kreativtı industriiany damytudyŋ tiımdı bır täsılı retınde zamanaui qazaqstandyq aidentikany qalyptastyru qajet. Prezident joba qatysuşylarynyŋ ideiasy men ūsynystaryn ıske asyru üşın olardy ortalyq memlekettık organ basşylarymen jüielı türde kezdestırıp tūru qajet dep sanaidy.
– «Jüz jaŋa esım» jobasy qazaqstandyq armannyŋ anyq ıske asqanyn körsetedı. Ärbır talantty, eŋbekqor, maqsatşyl adam osy zamannyŋ batyry jäne ūlt maqtanyşy bola alady. Sızder siiaqty tabysty azamattar neǧūrlym köp bolsa, elımızdıŋ bäsekege qabıletı soǧūrlym arta tüsedı. Halqymyzdyŋ mereiı de üstem bolady. «Jüz jaŋa esım» jobasynyŋ maqsaty da – osy. Qazırgı zaman – bılım men ǧylymnyŋ däuırı. Sanasy sergek, oiy ūşqyr jastardy el üşın aianbai eŋbek etuge şaqyramyn. Būl sızderdıŋ qoldaryŋyzdan keledı. Men Qazaq elınıŋ jastaryna senemın! – dedı Memleket basşysy.Onlain formatta ötken «Qazaqstannyŋ 100 jaŋa esımı» jobasy jeŋımpazdarynyŋ kezdesuınde erıktı-student Daryn Äbıljanov, ǧalym, adamdar men januarlarǧa vaksina äzırleuşı Qaisar Tabynov, IT-maman, robot tehnikasy mektebınıŋ negızın qalauşy Damir Nürkejanov, himiia pänınıŋ jas oqytuşysy Ūlan Üsenov, syzu pänınıŋ mūǧalımı, öz auylynda köpır salu bastamasyn kötergen Ahat Raqyşev, injener-önertapqyş Sanjar Taijan, AQŞ-tyŋ hokkei klubyna bas bapker bolǧan tūŋǧyş qazaqstandyq qyz Būlbūl Qartanbai, ekolog Ekaterina Vibe, sondai-aq, aqyn, älem ädebietın qazaq tılıne audaryp jürgen Serıkjan Qajytai söz söiledı.
