Bauyrjan Baibektıŋ müddesın qorǧaityn zaŋger Aijan Taşenova Janbolat Mamai men onyŋ jūbaiy İnga İmanbaidyŋ üstınen Almaty qalasy Äuezov audany №2 audandyq sotyna azamattyq tärtıppen ar-namysty, abyroi men ıskerlık bedeldı qorǧau turaly talap aryz berdı. Būl turaly ol özınıŋ Facebook-paraqşasynda mälım ettı, dep habarlaidy «Adyrna» ūlttyq portaly azattyq-ruhy.kz saityna sılteme jasap.
Zaŋgerdıŋ aituynşa, atalǧan talap aryzdy beruge J.Mamai men İ.İmanbaevanyŋ biyl 13 säuırde «Demokratiialy Qazaqstan/Demokraticheskii Kazahstan» youtube-arnasynda jäne äleumettık jelılerde ornalastyrǧan bırqatar beinematerialdary negız bolyp otyr.
«Jariialanǧan materialdarda jauapkerler «jurnalistık zertteudı» sebep etıp, B.Baibektı sybailas jemqorlyqpen jäne qyzmet babyn asyra paidalandy dep jariia türde, üzıldı-kesıldı jäne dälelsız aiyptaidy. Atalǧan materialdarǧa jasalǧan taldau beinerolikterde jalǧyz aqparat közı – anonimdık «Uzyn Qulaq» telegram-arnasynyŋ aqparatyn ǧana negızge alǧan. Būl arna – ösek-aiaŋdy, dolbardy, tekserılmegen jäne şyndyqqa janaspaityn aqparatty taratumen ainalysatyny mälım.Talapker (B. Baibek) atyna qarata aitylǧan aiyptaulardyŋ būdan bölek şynaiy däleldemelık bazasy men rastalǧan deregı J.Mamai men İ.İmanbaevanyŋ beinematerialdarynda da, tırkelmegen QDP saitynda da ūsynylmaǧan. Sondyqtan azamattyq zaŋnama aiasynda bız beinematerialdar avtorlary aiyptaularynyŋ negızsızdıgı men maǧynasyzdyǧyn däleldeuge niettenıp otyrmyz», - dedı ol.Biyl 19 säuırde Bauyrjan Baibek qajettı resmi qūjattar men basqa da materialdardy körsete otyryp, barlyq aiyptaulardy jariia türde joqqa şyǧarǧan bolatyn. J.Mamai men İ.İmanbaevanyŋ aitqan sözderınıŋ jalǧan ekenın aitqan B.Baibek özınıŋ ar-namysyn, abyroiy men bedelın sot arqyly qorǧau qūqyǧyn paidalanu jönınde şeşım qabyldaǧan. Zaŋgerdıŋ mälımetınşe, qoldanystaǧy zaŋnamaǧa säikes, Baibek jauapkerlerdı qylmystyq jäne äkımşılık qudalaudan bas tartyp, ıstı azamattyq qaraumen şekteludı jön körgen. Sondai-aq, keltırılgen moraldyq zalalǧa materialdyq ötemaqy öndırıp aludan da bas tartqan. «Jauapkerler J.Mamai men İ.İmanbaeva jariia türde B.Baibektı jüielı türde sybailas jemqorlyqqa bardy, sondai-aq memlekettık qyzmette jürgen kezeŋde qyzmet babyn asyra paidalandy degen aiyptauynda süiengen aiǧaqtary men qūjattaryn ūsynuy tiıs. Iаǧni, aiyptaǧan tarap mūny naqty faktılermen däleldeuı qajet. Sonymen qatar Bauyrjan Baibek jauapkerlerdıŋ ötırık aiyptaularyn terıske şyǧaratyn barlyq qajettı qūjattar men faktılerdı sotqa ūsynu boiynşa öz qūqyǧyn paidalanady. Būl – äkımdıktıŋ 20-dan astam qaulysy, sonymen qatar basqa da qūjattarmen rastalǧan mälımetter. B.Baibektıŋ bedelıne nūqsan keltıretın rolikter negızınde talapker «Almaty qalasynyŋ äkımı lauazymynda bolǧan 4 jyl ışınde jeke biznes-imperiiasyn qūra otyryp, zaŋsyz 1 milliard AQŞ dollaryn tapty. Qazaqfilmnıŋ, Atakenttıŋ jäne Ile-Alatau ūlttyq parkınıŋ jerlerın qūrylys saluǧa jäne tūraq jasauǧa jeke tūlǧalarǧa berdı. Avtobustar satyp aluda para aldy. Kömır mafiiasyn «qanatynyŋ astyna alyp», Almatydaǧy TES-2-nı gazǧa köşıruge tosqauyl qoidy» dep jalǧan aiyptauǧa barǧan. Iаǧni maǧan senım bıldırgen tūlǧanyŋ eŋ aldymen Almaty äkımı lauazymynda şaruaşylyq-bölu funksiialaryn oryndaǧan kezdegı qyzmetı qozǧalady. Endı mūnyŋ barlyǧyn jauapkerler bos mälımdemelermen emes, naqty faktıler men qūjattar negızınde däleldeuı tiıs. Sondyqtan da bızdıŋ talap aryzymyzǧa, eŋ aldymen, J.Mamai men onyŋ jūbaiynyŋ talapkerdıŋ oŋtüstık megapolistıŋ basşysy retındegı jūmys kezeŋıne qatysty aiyptaularyn terıske şyǧaru talaby qoiyldy. Sondai-aq talap aryzǧa täuelsız psihologiialyq-filologiialyq saraptama qosa berıldı. Ol J.Mamai men İ.İmanbaevanyŋ aitqan sözderı – B.Baibektıŋ qyzmetı turaly jariia türde aitylǧan jaǧymsyz aqparat ekendıgın, olar şyndyqqa janaspaǧan jaǧdaida, talapkerdıŋ ar-namysyna, abyroiy men bedelıne nūqsan keltıretın aiyptaular qataryna jatatynyn rastaidy», - delıngen zaŋgerdıŋ jazbasynda. Aijan Taşenovanyŋ aituynşa, J.Mamai men İ.İmanbaevaǧa qatysty talap aryzdy sot qanaǧattandyrǧan jaǧdaida, atalǧan azamattar B.Baibektıŋ ar-namysy men abyroiyna nūqsan keltıretın materialdardy joiuy, sondai-aq tiıstı äleumettık jelılerde jäne YouTube-arnada barlyq negızsız, şyndyqqa janaspaityn aiyptaularyn joqqa şyǧaruy tiıs.
