Qyrǵyz-tájik shekarasynda bastalǵan janjalǵa núkte qoıyldy. «Adyrna» ulttyq portalynyń tilshisi eki el arasyndaǵy qaqtyǵystyń neden bastalyp, oqıǵanyń qalaı órbigenin baıandaıdy.
Atys neden bastaldy?
28 sáýirde qyrǵyz-tájik shekarasynda qaqtyǵys boldy. Qaqtyǵys keshki ýaqytta tájik tarapy Qyrǵyzstannyń Kok-Tash aýylyna jaqyn jerdegi baǵanaǵa beınebaqylaý kamerasyn qoımaq bolǵanynan bastalǵan. Tájikstandyqtar kamerany sýdy ádiletti bólý proesin baqylaý úshin qoıǵan. Jergilikti turǵyndar baqylaý kamerasyn alyp tastaýdy talap etip, izinshe kelispeı qalǵan. Nátıjesinde qos taraptan 100-150 adam bir-birine tas laqtyrǵan.
Al 29 sáýirde eki el arasyndaǵy jaǵdaı ýshyǵyp, atys bastalǵan. Olar atys barysynda avtomat jáne pýlemet qoldanǵan degen faktiler bar.
Qarýly qaqtyǵysty qaı eldiń bastaǵany belgisiz. Qyrǵyz eliniń ókilderi tájikstandyqtar janjaldy birinshi bastady dese, Tájikstan tarapy qyrǵyz eliniń tájik shekarashylaryna oq atyp bastaǵanyn aıtty.
Qansha adam zardap shekti?
Búgingi málimet boıynsha qaqtyǵys saldarynan Qyrǵyzstannan jalpy 183 adam zardap shekken. Bul týraly eldiń Densaýlyq saqtaý mınıstriniń orynbasary Alıza Soltonbekova habarlady. Zardap shegýshi 99 adamnyń 56-sy Bishkek medıınalyq mekemelerinde emdelip jatyr. Al qaıtys bolǵandar sany 35-ke jetken.
Al Tájikstan úkimeti resmı málimdeme jasaǵan joq. Dese de Sputnik Tájikstan sekildi jergilikti basylymdar ázirge rastalmaǵan aqparat boıynsha, qaza tapqandar sany 20-ǵa jetýi, al jaraqat alǵandar 160 bolýy múmkin deıdi.
Qyrǵyz-tájik qaqtyǵysy aıaqtaldy ma?
Qos tarap atysty tolyǵymen toqtatyp, áskerlerdi shyǵarýǵa kelisti. Eki eldiń Ulttyq qaýipsizdik memlekettik komıtetteriniń basshylary osy aqparat tóńireginde málimdeme jasady.
1 mamyr kúni Qyrǵyzstannyń Batken oblysynda kelissózder ótti. Jıynǵa Tájikstan MUQK basshysy Saımýmın Iatımov pen Qyrǵyzstan MUQK basshysy Qamshybek Tashıev qatysty. Olar eki memlekettiń shekarasyndaǵy atysty tolyq toqtatý týraly kelisimge keldi.
Kezdesý kezinde qos tarap shekaradaǵy janjaldy sheshýge baılanysty is-sharalar týraly pikir almasty. Iatımov barlyq máselelerdi tez arada sheshýge jumys jasaıtyndyǵyn, halyqtyń dostyq pen túsinikte ómir súretindigin aıtty. Al Tashıev eki eldiń múddesi úshin tórt tarmaqtan turatyn hattama qabyldanǵanyn tilge tıek etti.
Toqaev qaqtyǵysqa qatysty pikir bildirdi
Memleket basshysy Qasym-Jomart Toqaev qyrǵyz-tájik shekarasyndaǵy oqıǵaǵa baılanysty málimdeme jasady.
«Qyrǵyzstan men Tájikstannyń memlekettik shekarasyndaǵy qarýly qaqtyǵys týraly aqparatty asqan alańdaýshylyqpen qabyldadym. Qyrǵyz ben tájik halyqtary bizdiń baýyrlarymyz, tarıhymyz ben mádenı qundylyqtarymyz ortaq», - delingen málimdemesinde.
Sonymen qatar prezıdent Qyrǵyzstan men Tájikstan basshylyǵy danalyq tanytyp, daýly máselelerdi beıbit jolmen sheshetinine senetinin aıtty.
«Óz tarapymnan máseleni sheshýdiń tıimdi joldaryn qarastyrýǵa jáne ózara senimdi qaıta qalpyna keltirýge kúsh salýǵa daıynmyn. Ortalyq Azııa memleketteri basshylarynyń kezekti konsýltatıvtik kezdesýi aıasynda mundaı shekaralyq qaqtyǵystardy retteýdiń tetikterin qarastyrý qajet dep sanaımyn», - dedi Toqaev.
"Adyrna" ulttyq portaly
