Aqtau qalasynyŋ tūrǧyny Azamat Särsenbaev Fort-Şevchenko qalasynyŋ maŋynda paida bolǧan qoqys üiındısın videoǧa tüsırıp, jelıge jüktedı, dep habarlaidy «Adyrna» tılşısı.
«Būl Maŋǧystau oblysyndaǧy Fort-Şevchenko dep atalatyn şaǧyn qala. Būl mekende stihiialyq qoqys orny ǧana emes, bükıl qalanyŋ qaldyqtary bar ülken qoqys orny ornalasqan»,– dedı ol.Azamat Facebook jelısındegı paraqşasynda jergılıktı bilıkke degen renışın de jetkızdı.
«Qoqys eşteŋemen qorşalmaǧan, eşkım baqylamaidy. Adamdar osynda kelıp, barlyq qajetsız dünielerın tastaidy, sodan keiın qoqys jel arqyly aimaqtarǧa taralady. Tüpqaraǧan audanynyŋ bilıgı eŋ bolmaǧanda, osy jerdı qorşau turaly oilamaidy. Aitpaqşy, Telman auylynda da däl sondai problema bar»,– dep jazdy belsendı.
«Adyrna» ūlttyq portaly
