Nūr-Sūltan tūrǧyny Sara Bersan Facebook jelısındegı paraqşasynda 21 jastaǧy er azamattyŋ kämeletke tolmaǧan balany qaǧyp ketkenın jazdy, dep habarlaidy «Adyrna» tılşısı.
«Dostar, jūma künı men 1999 jyly tuǧan jas jıgıttıŋ jaiau jürgınşıler ötkelınde jasöspırımdı qaǧyp, oqiǧa ornynan qaşyp ketkenıne kuäger boldym. Baqytymyzǧa orai, jaqyn jerde jürgen qyz ekeumız jol polisiiasy men jedel järdem şaqyryp, qylmyskerdıŋ esın jiiuǧa tyrystyq»,-dep jazdy ol.Kuägerdıŋ aituynşa, jasöspırımdı şeneunıktıŋ ūly qaǧyp ketken.
«Kämeletke tolmaǧan jäbırlenuşıden "Kımge qoŋyrau şala alamyn?" dep sūraǧanymda, ol äjesın renjıtpeuımdı ötındı. Būl dialogtan men balanyŋ jetım ekenın tüsındım. Mūndai jaŋalyq ülken kısınıŋ jaǧdaiyn naşarlatuy mümkın edı.. Al 14 mamyrda nebärı 22 jasqa tolǧan jas jıgıt özın öte dörekı ūstady. «Nelıkten kölıkten şyqpadyŋyz, keşırım sūramadyŋyz, kömek ūsynbadyŋyz, jedel järdem şaqyrmadyŋyz?» degen sūraqtar qoiyldy. Ol özın kınälı sezınbeitının jäne zardap şeguşınıŋ jaǧdaiynyŋ jaqsy ekenın alǧa tartty. Osy oqiǧadan keiın özıme «Nelıkten ata-ana jol qozǧalysy erejesın bılmeitın balany qymbat kölıktı rölge otyrǧyzdy? Nelıkten ol özın adam retınde emes, älemnıŋ iesı retınde ūstady?» degen sūraqtardy qoidym. Jauabyn gugldan taptym. Äkesı Nūrǧaliev Damir Baqytūly Memlekettık kırıster komitetındegı Aksizderdı äkımşılendıru basqarmasynyŋ basşysy eken»,– dedı ol.Polisiia departamentı zardap şekken balanyŋ 17 jasta ekenın habarlady. Qazırgı taŋda ol em qabyldap jatyr. Atalǧan fakt boiynşa tergeu jūmystary bastaldy.
«Adyrna» ūlttyq portaly
