Qaraǵandy oblysynda bir aı buryn joǵalyp ketken kásipkerdiń denesi onyń kóligi anyqtalǵan mańaıdan tórt shaqyrym qashyqtan tabyldy, dep habarlaıdy Sputnik.kz saıty.
"5 mamyrda Nura aýdanyndaǵy Tassýat aýylynyń mańynan Qaraǵandy oblystyq tótenshe jaǵdaılar departamentiniń qutqarýshylary 2021 jyly 8 sáýirde joǵalyp ketken Súleımenovtiń denesin tapty", – dedi tótenshe jaǵdaılar mınıstrliginiń resmı ókili Talǵat Ýálı.
Ol 10 sáýir men 5 mamyr aralyǵynda Nura ózeni boıyndaǵy izdeý jumystaryna eholot, kvadrokopter jumyldyrylǵanyn atap ótti."Izdestirý jumysyna tikushaq ta qatystyryldy. Sonymen qatar aerovızýaldy zertteý úshin motorly paraplandar qoldanyldy. Olar shamamen 30 shaqyrym aýmaqqa sholý júrgizdi", – dedi resmı ókil.
Oǵan qosa, mınıstrlik ókili ózen arnasyndaǵy sý deńgeıiniń joǵarylyǵy men jaǵalaýdyń kúrdeliligi, shuńqyrlar men sý astynyń kórinbeıtindigi jáne ósimdik jamylǵysynyń qalyńdyǵy izdeý jumystaryna edáýir kedergi boldy dep túsindirdi.
Máıittiń jaǵalaýdan 50 metr, al kólik tabylǵan jerden tórt shaqyrym qashyqta jatqany anyqtaldy.
Qaraǵandy oblysy polıııa basqarmasy ókilderiniń aıtýynsha, týystary máıitti tanyǵan jáne tıisti saraptamalar taǵaıyndaldy. Sonyń nátıjesinde, proessýaldyq sheshim qabyldanady.
Aıta keteıik, buǵan deıin Nura ózeninen joǵalyp ketken sharýa qojalyq basshysynyń kóligi tabylǵany habarlanǵan. Sýǵa batqan kóliktiń terezeleri ashyq bolǵan. Osydan keıin qutqarýshylar júrgizýshi kólikten shyǵýǵa tyrysqan dep boljady.
Al aýyl turǵyndary Nurlan Súleımenovtiń kóligi ózen betindegi muz ústimen ótip bara jatqanda sýǵa ketken bolýy múmkin dep sanaıdy.
Jergilikti bılik ókilderi bolsa, mundaı ýaqytsha ótkeldi paıdalanýǵa tyıym salynǵanyn eske saldy. Olar 30 shaqyrym qashyqta sapaly ári qaýipsiz kópir ber ekendigin alǵa tartady.
