Äleumettık jelıde Qarmaqşy audanyna qarasty auyl mektebı mūǧalımınıŋ bılım ordasynda syra ışıp otyrǧan fotosuretı tarady. Būl turaly Aslan Omarov esımdı jelı qoldanuşysy jariialady.
Mektep mūǧalımı synyptyŋ ışınde syra ışıp otyrǧan jerınen suretke tüsıp qalǧan. Alaida kabinettıŋ ışınde taǧy kımderdıŋ bolǧany belgısız.
«Mektep - oquşylar joqta bılgenın jasap jüretın meken bolyp ketken be? Qyzylorda oblysy, Qarmaqşy audany Tūrmaǧambet Iztıleuov atyndaǧy orta mektep direktorynyŋ oqu ısı jönındegı orynbasary jyraular şyqqan qasiettı öŋırdıŋ bılım beru ūiymynda ışımdık ışıp, ūstazdarǧa ädıstemelık kömek berıp, oquşylar men ata-analarǧa ülgı önege körsetıp jür. Myna hanymǧa osylai bılım ordasynda jüruge kım rūqsat berıp qoiǧan? Mynadan keiın qalai mūǧalımderge balany senıp tapsyramyz?», - dep jazǧan avtor.Qyzylorda oblysy äkımdıgınıŋ baspasöz qyzmetındegıler Azattyq Rýhy tılşısıne būl oqiǧadan habardar ekenın jäne qazır atalǧan faktıge qatysty tekserıs jürgızılıp jatqanyn habarlady.
«Qarmaqşy audany, T.Iztıleuov atyndaǧy №29 orta mektebınıŋ mūǧalımıne qatysty äleumettık jelıde taralǧan pedagogtyŋ äreketı boiynşa audandyq bılım bölımımen qyzmettık tekseru jūmystary jürgızılude. Būl rette qyzmettık tekseru arqyly pedagogikalyq etika talaptarynyŋ jäne mekteptıŋ ışkı tärtıp erejelerımen, eŋbek zaŋnamalarynyŋ saqtaluy qaralatyn bolady. Nätijesımen, zaŋǧa säikes şeşım qabyldanady», - delıngen habarlamada.
"Adyrna" ūlttyq portaly
