Nūr-Sūltan qalasynyŋ oquşysy Rasul Jūmabekov patşaiym II Elizavetadan hat aldy. Konvertte 16 jastaǧy jasöspırımnıŋ 2020 jyldyŋ soŋynda jıbergen hatyna jauap jazylǧan, - dep habarlaidy "Adyrna" ūlttyq portaly Tengrinews.kz saityna sılteme jasap.
Rasul aldymen patşa otbasynyŋ tarihyna qyzyǧa bastaǧan. Keiın patşaiymǧa hat jazudy ūiǧarǧan.
«İnternette bır videony körıp qaldym, onda rolik avtoryna patşaiym Elizaveta II-den hat keledı. Osydan keiın men de özım turaly, qazaqstandyq oquşy ekenımdı aityp, hat jazuǧa bel budym. Qazaq ūlttyq horeografiia akademiiasynda baletpen ainalysatynymdy, sondai-aq, futbol, fortepianoda oinauǧa qyzyǧatynymdy jazdym. Hatta patşaiymnyŋ densaulyǧyn sūrap, oǧan bar jaqsylyqty tıledım», - deidı Rasul Jūmabekov.Ol Ūlybritaniia jäne Soltüstık İrlandiia patşaiymy II Elizavetaǧa hatty 2020 jyldyŋ qazanynda jıbergen, bıraq jauap kütpegenın aitady. Ony joldaǧannan keiın baqylau mümkın bolmaǧan soŋ, Rasul konvert joǧalyp ketkenıne senımdı bolǧan.
«Maǧan jauap 6 qaŋtarda keldı. Patşaiymnyŋ qoly qoiylǧan jauaphatta ol menıŋ hatyma öte riza bolǧanyn, jaǧdaiy jaqsy ekenın aityp, maǧan alǧys bıldırdı. Osy qiyn-qystau kezeŋde maǧan jäne tuǧan-tuystaryma jaqsylyq tıledı», - dedı Rasul.
