Memleket basşysy Qasym-Jomart Toqaev qazaqstandyqtardy Jeŋıs künımen qūttyqtady, dep habarlaidy «Adyrna» tılşısı. Qūttyqtau mätını Aqordanyŋ resmi saitynda jariialandy.
«Qymbatty otandastar! Barşaŋyzdy Ūly Jeŋıs künımen şyn jürekten qūttyqtaimyn! Būl meiram – beibıt ömırımız, azattyǧymyz ben jarqyn bolaşaǧymyz üşın faşist basqynşylaryna qarsy sūrapyl soǧysta jeŋıske jetken batyrlarymyzdyŋ erlıgı men daŋqynyŋ simvoly. Ūly Otan soǧysy maidanyna millionnan astam qazaqstandyq attanyp, olardyŋ teŋ jartysy Jeŋıs jolynda qaza tapty. Adamzat tarihynda teŋdessız erlık jasaǧan äkelerımız ben analarymyzdyŋ qajymas qaisarlyǧy, eren eŋbegı jäne közsız qaharmandyǧy halqymyzdyŋ jadynda mäŋgı saqtalady. Biylǧy Jeŋıs künın bızben bırge 665 maidanger men 100 myŋǧa juyq tyl eŋbekkerı qarsy aluda. Olardyŋ eşqaisysy memlekettıŋ qoldauy men qamqorlyǧynan, qoǧamnyŋ syi-qūrmetınen tys qalmaidy. Soǧys jäne tyl ardagerlerıne, barşa qazaqstandyqtarǧa beibıt tırşılık, zor densaulyq, baq-bereke tıleimın! Jeŋıs künı qūtty bolsyn!»— dedı memleket basşysy.
«Adyrna» ūlttyq portaly
