Pavlodar oblysynyŋ QAJ mekemesınde sottalǧandardyŋ bırı pedofiliia üşın bas bostandyǧynan aiyrylǧan qylmyskerdı öltırgen, dep habarlaidy «Adyrna» tılşısı. Būl turaly oblystyŋ qylmystyq-atqaru jüiesı departamentı mälımdedı.
«8 mamyrda Pavlodar oblysy boiynşa qylmystyq-atqaru jüiesı departamentınıŋ AP-162/4 qauıpsızdıgı barynşa joǧary mekemesınde kısı öltırgenı üşın jazasyn ötep jatqan 44 jastaǧy sottalǧan janjal nätijesınde basqa qamaudaǧy adamǧa qasaqana dene jaraqatyn salǧan. Oqiǧa mekemenıŋ sanitarlyq torabynyŋ ǧimaratynda keşkı uaqytta bolǧan. Zardap şeguşı medisinalyq kömekke jäne mekeme äkımşılıgıne şaǧymen jäne ötınıştermen jügınbegen. Alǧan jaraqattarynyŋ nätijesınde sottalǧan adam 9 mamyrda jasaqtaǧy öz jatyn ornynda qaitys boldy»,– delıngen habarlamada.Şūǧyl şaqyrylǧan jedel järdem brigadasy QR Qylmystyq kodeksınıŋ 120-baby 3-1-bölıgı, 1-tarmaǧy (Zorlau) boiynşa jazasyn ötegen adamnyŋ qaitys bolǧanyn anyqtady. Aita keteiık, män-jaidy anyqtau maqsatynda oqiǧa ornyna tergeu-jedel toby, prokuratura, özındık qauıpsızdık qyzmetı jäne QAJ departamentınıŋ ökılderı keldı. Sondai-aq, ūlttyq aldyn alu tetıgınıŋ jäne qoǧamdyq baqylau komissiiasynyŋ qatysuşylary şaqyrylǧan.
«Adyrna» ūlttyq portaly
