Bügın astanada Düniejüzı qazaqtarynyŋ V Qūryltaiy bastaldy. EXPO-2017 halyqaralyq körmesı aiasynda ūiymdastyrylǧan qūryltaiǧa 800-ge tarta delegat qatysty. Olardyŋ 350-ı 39 memleketten kelgen.
Qūryltaidy prezident Nūrsūltan Nazarbaev aşty. Prezident öz sözınde latyn älıppesıne köşudı 2025 jylǧa deiın soza berudıŋ qajetı joq ekendıgın, "Otandastar" qory qūrylatynyn jäne şeteldegı qazaq balalarynyŋ Qazaqstanda bılım aluyna bölınetın grant ekı esege ösetındıgın aitty.
Jiyn soŋynda Nūrsūltan Nazarbaev Düniejüzı qazaqtary qauymdastyǧynyŋ töraǧasy bolyp qaita sailandy. Töraǧanyŋ bırınşı orynbasarlyǧy Talǧat Mamaşev ornyna Zauytbek Tūrysbekovke berıldı.
