Nauryz aiynda äleumettık jelıde taraǧan «Jūmabektıŋ bajasy» degen videodan keiın qyzu talqyǧa tüsken Jūmabek Tölegennıŋ lauazymy tömendegen bolatyn. Būl turaly Türkıstan oblystyq Polisiia departamentınıŋ resmi ökılı Saltanat Qaraközova aitty, dep habarlaidy «Adyrna» ūlttyq portaly.
«Jūmabek Tölegen ekı apta būryn inspektor lauazymyna tömendedı. Qazırgı uaqytta Otyrar audandyq polisiia bölımınde jūmys ısteidı. Özı būrynnan otbasymen sonda tūrady. İnspektor bolǧanǧa deiın bır ai rezervte tūrdy», - dedı Qaraközova.Aita keteiık, būǧan deiın jelılerde video taraǧan. Onda qarsy jolmen kele jatqan kölıktı poliseiler toqtatqan. Alaida jürgızuşı tärtıp saqşysynyŋ sözın elemei, «Jūmabekke habarlas» dep oqiǧa ornynan ketıp qalǧan körınedı. Türkıstan oblystyq PD ökılderı jürgızuşını ūstaǧan. Al ony jıbere salǧan qyzmetkerge qatysty tekserıs jürgen bolatyn. Būdan eiın Jūmabek degennıŋ kım ekenı anyqtalǧan edı. Öŋırlık polisiiadaǧylar Otyrar audandyq PB-da şyn mänınde Jūmabek Tölegen degen polisiia maiory jūmys ısteitının mälımdegen. Ol äkımşılık polisiia bölımşesınıŋ bastyǧy, onyŋ qolastynda ekı qyzmetker bolǧan. Izınşe «Jūmabek jūmystan şyqty» degen aqparat taraǧan. Bıraq polisiiadaǧylar būl aqparatty joqqa şyǧaryp, Jūmabek Tölegen bölımşe basşysy lauazymynan aiyrylǧany ras, bıraq ışkı ıster organdarynda qalatynyn aitqan bolatyn.
"Adyrna" ūlttyq portaly
(foto inbusiness.kz saitynan)
