Şyǧys Qazaqstandaǧy Şılıktı auylynda ırılı-ūsaqty mal belgısız aurudan qyrylyp jatyr. Keiıngı ekı aptanyŋ ışınde bır ǧana şaruaşylyqtyŋ özınde jüzdegen qozy ölgen, dep habarlaidy «Adyrna» ūlttyq portaly 31 arnaǧa sılteme jasap.
Auyl tūrǧyndary belgısız ındet säuır aiynyŋ soŋynda bastalǧanyn aitty. Sol uaqyttan berı jüzdegen bas siyr qyrylyp qaldy. Qoradaǧy qozylar da ölıp qalǧan. Auyl halqy bıletın em-domdaryn jasap jatyr. Bar maqsattary - qalǧan maldy aman alyp qalu.
«Jeke bır üide emes. Barlyq üide sol. Bıraq kelıp jatqan komissiiany körgenımız joq. Ana ölgen malǧa ötemaqy bere me, bermei me? Myna zamanda bılmeimın. Soǧan kömek jasasa», – dedı Şılıktı auylynyŋ tūrǧyny Säule Ysqaqova.Halyqtyŋ aituynşa, qyrylyp qalǧan malǧa eşqandai akt da jasalmaǧan. Zaisan audany äkımınıŋ orynbasary mal ielerımen kezdesken. Olardyŋ aituynşa, audan äkımdıgı soŋǧy üş kün boiy synama alyp, aurudy anyqtap jatyr.
«Veterinarlyq basqarmanyŋ mamandary, arnaiy zerthananyŋ mamandary kelıp, arnaiy synamalar alynyp, oblysqa aparyp saraptama jasatamyz», – dedı Zaisan audany äkımınıŋ orynbasary Rinat Tauasarov.Irılı-ūsaqty maldyŋ belgısız aurudan qyrylyp jatqandyǧy rastaldy. Al auyl halqy adamǧa jūqpai ma dep alaŋdap otyr.
"Adyrna" ūlttyq portaly
