Almatyda taǧy bır emhana vaksinalau pasportyn saudaǧa saldy degen küdıkke ılındı, dep habarlaidy «Adyrna» ūlttyq portaly KTK arnasyna sılteme jasap.
Almatydaǧy №4 emhanada vaksinalau tölqūjaty saudalanyp jatyr degen aqparat äleumettık jelılerde tarady. Būl qaǧazdarda sol qyzmetkerler öz äreketıne tüsınık bergen. Iаǧni därıgerler keluşılerge ekpe salmasa da, tölqūjat jasap bergenın moiyndaidy. Bırı jalǧan qūjatty 15 adamǧa daiyndap berıp, ärqasysynan 15 myŋ teŋgeden alǧan. Indettı jeŋudıŋ jalǧyz jolyn bizneske ainaldyrǧandar turaly qoǧamdyq densaulyq basqarmasyna da tūrǧyndardan şaǧym tüsıptı.
«Būr äreketke barǧan medisinalyq qyzmetkerler öz erkımen jūmystan şyqty. Qazır ıs boiynşa materialdar qūqyq qorǧau organdaryna jıberıldı. Tergeu qorytyndysyna säikes, küdıktıler tiıstı jazaǧa tartylady», - deidı Almaty qalasy qoǧamdyq densaulyq basqarmasy qūqyqtyq jūmystar bölımınıŋ basşysy Maqpal Seralinova.Vaksinalau pasportyn tabys közıne ainaldyrǧandar Nūr-Sūltan qalasynda da bar. Mūndaǧy sauda-oiyn sauyq ortalyqtarynyŋ bırınde ekpe salyp jürgen därıgerler osyndai küdıkke ılındı. Olar kelgen adamdardy vaksina alu turaly raiynan ainytqan. Esesıne, 5 myŋ teŋgege zaŋsyz pasport jasap berudı ūsynypty.
«Bızge zaŋsyz pasport jasap berudı ūsynatyn därıgerler turaly şaǧymdanatyndar köp. Sondai tūrǧyndardyŋ bırı Asia park sauda-oiyn sauyq keşenıne vaksina aluǧa barǧan. Mamandar ony bazaǧa ekpe alǧan dep engızudı, al ıs jüzınde vaksinany saldyrmaudy ūsynǧan. Qaraǧandy men Şymkentten de osyndai şaǧym kelıp tüstı. Mūndai mäselenıŋ tuyndauyna kei mekemelerdıŋ qyzmetkerlerın ekpe aluǧa mındetteuı sebep dep oilaimyn», - deidı medisina ǧylymdarynyŋ doktory Botagöz Käukenova.Osydan keiın Nūr-Sūltan qalasynyŋ qoǧamdyq densaulyq basqarmasy tekserıs jürgızgenımen, «vaksinalau pasportyn satu deregı anyqtalǧan joq» dep, ıstı jyly japty. Būǧan deiın Almatydaǧy №21 emhanada da osyndai şu şyqqan bolatyn. Būl derekke qatysty poliseiler älı tergeu jürgızıp jatyr.
«Sezıktı retınde ekı azamat, ekı medisinalyq mekemenıŋ qyzmetkerı tanyldy. Qazır olardyŋ ıs-äreketıne qūqyqtyq baǧa berıledı. Sodan soŋ zaŋnama aiasynda şeşım qabyldanady», - deidı Almaty qalasy PD resmi ökılı Saltanat Äzırbek.Jalǧan qūjat daiyndap satu – qylmys. Mūndai zaŋ būzuşylyqqa barǧandardyŋ 4 jylǧa deiın bas bostandyǧynan aiyryluy mümkın. Zaŋsyz qūjatty qoldanǧandarǧa da qylmystyq jauapkerşılık qarastyrylǧan.
"Adyrna" ūlttyq portaly
