Reseılik jýrnalıst Iýrıı Dýd «Irına Qaıratovna» tobynyń qatysýshylarymen suhbat túsirdi.
Toptyń músheleri - ázilkesh jáne mýzykanttar Aldııar Japarhanov, Ilıa Gýmennyı, Jasulan Ońǵarov, Azamat Marklenov, Ulan Qaıyrlasov jáne jobanyń rejısseri Qýanysh Beısekov.
Suhbat barysynda rejısser Qýanysh Beısekov qazaqtardyń kemshilikteri týraly aıtyp ótti.
«Bizde úlken ego bar. Biz álemdik arenadaǵy memleketpiz, jer kólemi boıynsha álem boıynsha 9 oryndamyz. Bul týraly bári biledi dep oılaımyz. Shyndyǵyna kelgende bizdi kóbi bilmeıdi», - deıdi ol.
Sonymen qatar jýrnalıst toptyń keıingi kezderi túsirgen klıpteri týraly sóz qozǵady.
«Biz keıingi klıpterde Álıhan Bókeıhanov, Dinmuhamed Qonaev týraly aıttyq. Bılikte 20 jyl boıy otyryp, bılikten ketken kezde Qonaevtyń kishkentaı úıi ǵana boldy. Bile bilseńiz, ol bılik etken jyldarda búgingi Almaty boı kóterdi. Odan keıin bizdiń memlekette myqty basshy bolmady», - deıdi ol.
Iýrıı Dýd qabyrǵadaǵy handar men el basshylary turǵan sýrette nelikten Nazarbaevtyń joqtyǵyn surady.
«Ol laıyq emes. Odan da jaqsyraq adamdar bar», - dep jaýap berdi Beısekov.
"Adyrna" ulttyq portaly
(Vıdeodan alynǵan kadr)
