Qazaqstan prezidentı elımızge jūmys saparymen kelgen Düniejüzılık banktıŋ Europa jäne Ortalyq Aziia öŋırı boiynşa vise-prezidentı Anna Berdemen video konferensiia arqyly kezdesu ötkızdı, dep habarlady Aqorda.
Qos tarap Qazaqstan men Düniejüzılık bank arasyndaǧy yntymaqtastyqtyŋ özektı baǧyttaryn jäne keleşektegı kooperasiianyŋ basymdyqtaryn talqylady.
Memleket basşysy Nūr-Sūltan qalasyna kelgen Anna Berdege ıltipat bıldırıp, būl onyŋ Qazaqstan men Ortalyq Aziiaǧa jasaǧan alǧaşqy sapary ekenın atap öttı.
"Bız Düniejüzılık bankpen aradaǧy köpjyldyq serıktestıktı joǧary baǧalaimyz. Osy uaqyt aralyǧynda bank elımızge 6 milliard dollardan astam investisiia qūidy. Qazırgı taŋda sızdermen bırlesıp, ärtürlı 12 jobany, atap aitqanda, kölık, bılım beru, ekologiia jäne qarjy salalaryndaǧy bastamalardy jüzege asyryp jatyrmyz", - dedı Qasym-Jomart Toqaev.Memleket basşysy Düniejüzılık banktıŋ Qazaqstandaǧy bırqatar ekologiialyq mäselenı şeşuge üles qosqanyn, sonyŋ ışınde "Syrdariia özenınıŋ arnasyn retteu jäne Soltüstık Aral teŋızın saqtap qalu" jobasynyŋ ekınşı kezeŋıne 1,5 milliard dollar kölemınde qarjylai qoldau körsetkenın aitty. Osy rette Qasym-Jomart Toqaev ekologiialyq problemalardyŋ şeşıluıne basa män beretının, "jasyl ekonomika" mäselelerıne jäne osy saladaǧy yqpaldastyqty jeke baqylauyna aluǧa daiyn ekenın jetkızdı. Anna Berde Qasym-Jomart Toqaevqa kezdesuge mümkındık bergenı jäne Düniejüzılık bankpen aradaǧy yntymaqtastyqty joǧary baǧalaǧany üşın rizaşylyǧyn bıldırdı. Sonymen qatar ol elımızde Qazaqstan prezidentınıŋ basşylyǧymen jüzege asyrylyp jatqan reformalardy qoldaitynyn aitty.
