Qasiettı Ramazan aiynda türlı deŋgedegı qaiyrymdylyq şaralaryn ūiymdastyrǧan bırqatar azamattarǧa Şymkent qalasynyŋ äkımı Mūrat Äitenovtıŋ atynan alǧys hat tabystaldy.
Qala äkımınıŋ arnaiy joldaǧan alǧys hatyn Şymkent qalasynyŋ bas imamy Baqdäulet Abdrahmanov tabys etıp, el Täuelsızdıgınıŋ 30 jyldyǧy men «Şymkent – qaiyrymdy qala» jobasy aiasynda aianbai qyzmet etuge şaqyrdy.
Alǧys hatqa «Zeket jäne qaiyrymdylyq» qorynyŋ Şymkent qalasyndaǧy ökılı Aibek Azimbaev jäne Aljan Sadiev, Erjıgıt Dosymbaev, Nyǧmet Aidarov, Erhan Äbış t.b käsıpker azamattar ie boldy.
Aita keteiık, qasiettı Ramazan aiynda qaladaǧy 32 meşıt tarapynan 42 255 adamǧa (su, qūrma, nan, konfet, ystyq tamaq, salat, airan t.b) «Auyzaşar sebetı» ülestırılse, käsıpkerler men meşıt jamaǧaty tarapynan 32 500 mūqtaj otbasyǧa azyq-tülık (ūn, mai, şäi, kürış, qant, tūz, et jäne makaron önımderı, tättıler, qūrma, kartop, piiaz, säbız, t.b) salynǧan «Ramazan qorjyny» taratylyp, jetkızıldı. Jalpy qasiettı aida 74 755 mūqtaj otbasyǧa kömek berıldı.
