Atyraý oblysynda Kaspıı jaǵalaýyndaǵy qamys órtin sóndirý jalǵasyp jatyr, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, 20 mamyrda qamys órtin cóndirý úshin Atyraýdaǵy órt sóndirý bólimderinen 13 qyzmetker men A-6-40, Trekol, Sherp, ASA-20 markaly arnaıy tehnıkalar jumyldyrylǵan.
«Qazavıaqutqarý» AQ Mı-8 tikushaǵymen áýeden barlaý júrgizý kezinde shamamen 10,6 gektar aýmaqta 6 órt oshaǵy anyqtaldy. Tikushaqtaǵy «VSÝ-5» qurylǵysymen áýeden sý shashylyp, jiberý arqyly 4 órt oshaǵy sóndirildi» dep habarlady departamenttiń baspasóz qyzmetinen.
Departamentte órtti sóndirýge baılanysty is-qımyldy úılestirý úshin jedel shtab qurylǵan. Jaǵalaýdaǵy qamys órtin sóndirý jalǵasyp jatyr.
Eske sala ketelik, buǵan deıin Atyraýda Kaspıı jaǵalaýyndaǵy qamys órtengenin habarlaǵan bolatynbyz.
