Azamattarǧa arnalǧan ükımettıŋ Almaty filialyndaǧy igı ıster

Filial qyzmetkerlerı jyl saiyn dästürlı «Donor künın» ötkızudı dästürge ainaldyrǧan. Sol ädetınen ainymai, biyl da mūqtaj jandarǧa kömek bolsyn dep, filial qyzmetkerlerı qan tapsyrdy. Qyzmetkerler arasynda köp jyldardan berı qan tapsyryp, köptegen janǧa ajaldan araşa bolyp, «Qūrmettı donor» atanǧandar da bar. Solardyı bırı – Dinara Tūrǧaliqyzy. Ol 2011 jyldan berı üzbei qan tapsyryp keledı. Biyl 71-ret donor atandy. Jer jüzınıŋ ärbır üşınşı tūrǧyny qanǧa mūqtaj, orta eseppen är kün saiyn 300 adamǧa qan qūiylatynyn eskersek, qan tapsyruşynyŋ ūandai ızgılıktı ŋs atqaryp jatqanyn baiūaimyz. Adam ǧūmyryna auadai qajet qanǧa zäru jandarǧa, ömır men ölım arasynda jatqan nauqastarǧa ekınşı ömır syilau – sauapty ıs. Osylaişa, boiyndaǧy tamşy qanyn zäru jandarǧa syilaityn qūrmettı jandar qatarynda Azamattarǧa arnalǧan ükımettıŋ mamandary da bar ekenın maqtanyş etemız. Osyndai igı şara qatarynda, filial mamandarynyŋ qart kısılerdıŋ üilerıne baryp kömektesuın, qala ekologiiasyna üles qosyp, aǧaş otyrǧyzu şaralaryn da qosuǧa bolady. Filialdyŋ qalanyŋ är audanynda ornalasqan bölımderınıŋ basşylary jinalyp, aǧaş otyrǧyzu şarasyn bastady. Būl joly, Alatau audanyndaǧy mamandandyrylǧan HQO aldyna 50-ge juyq arşa otyrǧyzdy.

«Mūndai igı de ızgı şaralar filialymyzda qoldau tauyp, ünemı jalǧasyp jatady. Filial jäne bölım basşylary bastaǧan jasyldandyru bastamasyn, endı barlyq bölımder qyzmetkerlerı jalǧastyratyn bolady», - deidı filialdyŋ PR-menedjerı Jaŋyl Äpetova.

İä, jaqsy ıs – janyŋdy jadyratyp, ömır süru qūlşynysyŋdy arttyrary sözsız. Olai bolsa, jaqsylyq jasap jarysaiyq!