Aqparat jäne qoǧamdyq damu ministrı Aida Balaeva halyq aldyndaǧy eseptık kezdesuınde aqparatqa qol jetkızu mümkındıkterın keŋeituge baǧyttalǧan şaralardy atady, dep habarlaidy «Adyrna» ūlttyq portaly QazAqparatqa sılteme jasap.
«Aqparatqa qol jetkızu mäselesıne Memleket basşysy özınıŋ Joldauynda erekşe nazar audarǧany tegın emes. Aqparatqa qol jetkızu turaly zaŋ qabyldanǧan sätten bastap oǧan tūjyrymdamalyq özgerıster engızılmegen edı. Osyǧan bailanysty, qajettı tüzetuler paketı äzırlendı, oǧan Prezident 2020 jylǧy 30 jeltoqsanda qol qoidy», - degen ministr tūjyrymdamalyq tüzetulerdıŋ basymdyqtaryna toqtaldy.
«Barlyq memlekettık organdarda aqparatqa qol jetkızu mäselelerı boiynşa uäkılettı tūlǧalar nemese bölımşeler aiqyndaldy. Biyl alǧaş ret Memleket basşysynyŋ aldyna Ükımet aqparatqa qol jetkızu salasynyŋ jai-küiı turaly esep engızıledı. Aqparat ielerınıŋ tızımı keŋeitıldı. Olardyŋ qataryna ortalyq jäne jergılıktı atqaruşy organdardyŋ funksiialaryn oryndauşylar jatady. Memlekettık organdarǧa normativtık-qūqyqtyq akt jobalary men biudjettık baǧdarlama jobalaryn jariia talqylaudyŋ bastalǧany turaly aqparattyq habarlamalardy internet-resursta ornalastyru jönındegı talap engızıldı», - dedı Aqparat jäne qoǧamdyq damu ministrı.
