Qazaqstandyq tanymal Mad Men tobynyŋ müşelerıne ūiymdasqan qylmystyq top qūrdy jäne oǧan qatysty degen aiyp taǧyldy, dep habarlaidy «Adyrna» ūlttyq portaly Polisia.kz saityna sılteme jasap.
Polisiia mälımetı boiynşa, tūraqty esırtkı jelısı bır ai būryn joiylǧan. Onyŋ qūramynda 21 jastan 30 jasqa deiıngı 10 adam bolǧan. Topty 27 jastaǧy H basqarady.
«Esırtkı qylmysyna qarsy küres basqarmasy qyzmetkerlerınıŋ közıne H. esımdı er adam 2020 jyldyŋ qyrküiegınde tüsken. Qolda bar jedel mälımetterge säikes, toptaǧy adam bır jyl boiy Almatyda sintetikalyq esırtkını öndıru jäne satumen ainalysqan. H. esımdı er adam jäne onyŋ «kömekşılerınıŋ» qylmystyq äreketterı resmi türde qūjattalǧan. Onyŋ är kömekşısınıŋ rölderı naqty qoiylǧan. Mysaly, logistikalyq kompaniia arqyly Resei Federasiiasynan sintetikalyq esırtkı zattaryn öndıruge arnalǧan komponentterdı jetkızuge üş adam jauap beredı. Olardyŋ bırı qyz, ekı jas jıgıt – kassa qyzmetı, ötınımder qabyldau jäne esırtkını taratatyndarǧa jauap beredı. Taǧy tört er adam – esırtkı taratuşylar qalanyŋ Nauryzbai, Bostandyq jäne Alatau audandarynda jürgen», - dedı Almaty qalalyq PD Esırtkı qylmysyna qarsy küres basqarmasynyŋ bastyǧy Erlan Almaǧambetov.Iske qatysy bar küdıktılerge QR QK-nyŋ 262-baby 1 jäne 2-bölıgınde közdelgen ŪQT qūru jäne oǧan basşylyq etu deregı boiynşa aiyp taǧylǧan. Küdıktıler sot sanksiiasymen qamauǧa alyndy. Sotaldy tergeu jürgızılıp jatyr. Aita keteiık, būǧan deiın Almaty polisiiasy sintetikalyq esırtkı öndırumen jäne satumen ainalysty degen küdıkpen bır top adamdy ūstaǧany habarlanǧan bolatyn. Olardyŋ qatarynda jastar arasynda tanymal Mad Men tobynyŋ solisı bar degen aqparat şyqty. Keiın tärtıp saqşylary esırtıkı qylmysyna qatysy bar 10 adamnyŋ ekeuı Mad Men tobynyŋ änşısı ekenın rastady. Mad Men Q-ror tobynyŋ ūstalǧan änşılerı 15 jylǧa deiın bas bostandyǧynan aiyryluy mümkın.
"Adyrna" ūlttyq portaly
