Amerikalyq barlau qyzmetkerlerı Aq üige koronavirustyŋ şyǧu tegı turaly qosymşa kompiuterlık taldaudy qajet etetın älı tekserılmegen mälımet bar ekenın aitty, dep habarlaidy «Adyrna» ūlttyq portaly tengrinews.kz saityna sılteme jasap.
New York Times gazetı mälımetıne süiensek, qandai derekter turaly aitylǧany naqtylanbaǧan. Sonymen qatyr, aqparat közderınıŋ aituynşa, barlau qyzmetkerlerı virustyŋ paida boluyn anyqtau üşın «ülken» kompiuterlık quattardy paidalanuǧa ümıttı.
Beisenbıde AQŞ prezidentı Djo Baiden koronavirustyŋ paida boluy turaly eseptı özı bılmeitın aqparat bolmasa tolyq jariialaitynyn mälımdegen bolatyn.
Būǧan deiın Aq üi koronavirustyŋ taraluy ǧylymi zerthanadaǧy apatqa bailanysty degen nūsqany älı joqqa şyǧarmaityn habarlaǧan bolatyn. Habarlamada AQŞ-tyŋ barlau qauymdastyǧy virustyŋ paida boluynyŋ ekı nūsqasyn - adamǧa januardan berılu jäne zerthanadan tarauy nūsqasyn qarastyratyny jazylǧan. 90 kün ışınde barlau aqparatty jinau men taldaudy ekı ese küşeitıp, keiın prezidenttı habardar etuı kerek. QHR-nyŋ AQŞ-taǧy elşılıgı koronavirustyŋ «zerthanadan tarau» teoriiasyn jala dep sanaidy.
"Adyrna" ūlttyq portaly
