QR Premer-ministrıne!
QR İndustriia ministrlıgı "Bız qandai 167 avtokölık modelın öndıremız?" degen sūraǧyma jauap berdı. Ministrlıktıŋ jauabyn qanaǧattanarlyqsyz dep esepteimın. 40 modeldı atap şyǧu, onyŋ ışınde 20-syn bız öndırmeimız, daiyn küiınde alyp kelemız, al 80 modeldı Kamazdardyŋ türlerı, taǧy 39 model avtobustar deu, jai ǧana ötırıktı aqtauǧa tyrysu emes, ıstıŋ naqty män-jaiyn maqsatty türde jasyru dep esepteimın. Būl ükımet basşysy retınde sızdıŋ mūqiiat tekseru jäne baǧalau jürgızuıŋızdı talap etetın mäsele.
Bız “Halyq ünıne qūlaq asatyn memleket” qūryp jatqanymyzdy nazarǧa aluyŋyzdy ötınemın. Sondyqtan Ministrlık derekterdı qaita tekserıp, qatelıkter üşın keşırım sūrap, tüzetuler engızuı kerek edı dep sanaimyn. Mūnyŋ ornyna maǧan qarsy aqparattyq soǧys jariialady, blokbasterler tüsırdı, blogerler men telegram-kanaldardy ızıme saldy, Nūr-Media men bottardy da osy ıske aralastyrdy. Maǧan jaǧylǧan küie, jabylǧan jala üşın ökınbeimın. Tek osynyŋ bärıne biudjettıŋ qarajaty jūmsalǧany ökındıredı.
Ministrlerge menıŋ küresım bilıkpen emes, el ekonomikasyn osy jaǧdaiǧa jetkızgen ötırıkpen, közboiauşylyqpen jäne käsıbisızdıkpen küres ekenın tüsındıruıŋızdı ötınemın. Bız özımızge şyndyqty aityp üirenbegenımızşe, naqty jaǧdaiatty tüsınbeimız, demek dūrys şeşım qabyldap, dami da almaimyz. Däl osy sebepten aqiqatty ızdep soŋyna deiın baramyn.
Sondai-aq Ministrlık soŋǧy 10 jyl ışınde 130 jaŋa maşina qūrastyru zauyty qaida salynǧan degen saualdy da jauapsyz qaldyrdy, qazaqstandyq qamtu boiynşa da jauap bergen joq. Öitkenı Sızdıŋ primeminister.kz saityŋyzda avtoönerkäsıptı oqşaulaudyŋ ortaşa deŋgeiı 33%-dy qūraidy, jeke modelder boiynşa 50%-dan asady dep körsetılgen.
Eger İnsdustriia ministrlıgı qatelıkterın tüzetıp, 15 kün ışınde jauap bermese, ūlttyq resurstardy zaŋdy jäne tiımdı basqarudy taldau, baǧalau jäne tekseru mındetı jüktelgen QR Esep komitetıne jügınuge mäjbürmın. Sondai-aq Bas prokuraturaǧa da jügınemın, öitkenı Esep komitetınıŋ Erejesıne säikes onyŋ mındetıne QR Bas prokuraturasymen bırlesıp ekonomikalyq jäne qarjylyq qylmystardy tergeudı äzırleu kıredı. Bälkım, qoǧamnyŋ talap ete bastaǧany jaǧymsyz jait şyǧar.
Ükımet avtokölık salasyn yntalandyru boiynşa teŋdessız şaralardy qabyldaǧanyn tüsındıremın. Būl QQS, kädege jaratu alymy, jeŋıldetılgen nesie jäne lizing baǧdarlamalary, önım eksportyn qoldau şaralary. Mūnyŋ bärı otandyq önerkäsıptı qoldau üşın jasaldy, degenmen şyn mänınde biudjetten ülken mafiianyŋ qaltasyna salynǧan jüz milliardtaǧan teŋgenıŋ eseptelmeuıne alyp keldı. Halyq Armeniiadan jäne basqa da elderden avtokölıkter tasymaldaudy jalǧastyra berdı. Būl bız 167 avtokölık modelın şyǧaramyz dep maqtanǧanymyzben, şyn mänınde kapitaldy syrtqa şyǧaru. Eger İndustriia ministrlıgı bızdıŋ az önım öndıretınımızdı moiyndasa, onda nege jäne kım üşın köp milliardtyq preferensiialar jasalǧany turaly saual tuyndaitynyn tüsınemın.
Söz soŋynda aitarym, özım baryp qazaqstandyq qamtudy sanap şyǧu üşın 130 zauyttyŋ mekenjaiy boiynşa aqparat berudı sot arqyly talap etemın. Äzırge Ükımettıŋ barlyǧyn tekseruge, tüzetuge jäne qoǧamǧa aqparatty jetkızuge mümkındıgı bar.
Asqar Ūzaqbaiūly, Sızden «Halyq ünıne qūlaq asatyn memlekettı» qamtamasyz etuıŋızdı ötınemın. Men Sızdıŋ qyzmetten ketuıŋızdı sūramaimyn. Sızdı nemese Sızdıŋ ministrlerıŋızdı auystyrǧannan eşteŋe özgermeidı. Öitkenı däl sondai adamdar oryndaryŋyzǧa keledı. Bız qūndylyqtardy özgertuge tiıspız. Ötırıkpen, közboiauşylyqpen jäne käsıbisızdıkpen kürestı bırge jariialaiyq. Sonda ainaladaǧy närsenıŋ barlyǧy özgere bastaǧanyn köresız.
Sanjar BOQAEV.
"Adyrna" ūlttyq portaly.
