Qostanaida bır jarym jasar säbi üidıŋ aulasyndaǧy qūdyqqa qūlap qaza boldy, dep habarlaidy «Adyrna» ūlttyq portaly.
Qaraly oqiǧa 24 mamyrda Fedorov audanynyŋ Kostriakov auylynda bolǧan. Oblystyq Polisiia departamentı säbidı äkesınıŋ tauyp alǧanyn habarlady. Alaida ony qūtqaryp qalu mümkın bolmapty.
«Atalǧan fakt adam ölımı retınde qarastyrylyp, qylmystyq qūram belgılerı boiynşa tırkeuge alyndy», - delıngen habarlamada.Saraptama taǧaiyndalyp, oqiǧanyŋ män-jaiy anyqtaluda.
«Otbasy tolyq, esepke tūrmaǧan, būryn-soŋdy äkımşılık nemese qylmystyq jauapqa tartylmaǧan. Qaiǧyly oqiǧa bolǧan kezde säbidıŋ ata-anasy üi şarualarymen ainalysyp jürgen», - deidı polisiia departamentınıŋ ökılderı.
"Adyrna" ūlttyq portaly
