QR Eŋbek jäne halyqty äleumettık qorǧau ministrlıgı 2019 jyly jürgızılgen kredittık amnistiiany ūzartudy ūsyndy. Sebebı äleumettık jaǧynan osal toptardyŋ ışınde 300 myŋ teŋgenı keşıru şarasyn paidalanyp ülgermegen azamattar bar, dep habarlaidy «Adyrna» ūlttyq portaly Sputnik Qazaqstan saityna sılteme jasap.
«Qazaqstan Respublikasy azamattarynyŋ boryş jüktemesın azaituǧa bölıngen qarajatty paidalanudyŋ keibır mäselelerı turaly» ükımettıŋ 2019 jylǧy 15 şıldedegı №520 qaulysyna özgerıster engızuge arnalǧan qūjattyŋ jobasy «Aşyq NQA» portalynda jariialandy.
Äleumettık jaǧynan osal azamattar türlı sebeptermen ömırlık qiyn jaǧdaiǧa tap bolyp, öz atyna alǧan kredittık mındettemelerın oryndai almai otyr.
«Qoldanystaǧy qaulyda közdelgen merzımder aiaqtalǧannan keiın memlekettık organdardyŋ aqparattyq jüielerınde derekterdıŋ bolmauyna bailanysty bereşegı ötelmei qalǧan adamdar anyqtaldy», - delıngen tüsınıktemede.Osyǧan orai «Qazaqstan Respublikasy azamattarynyŋ boryş jüktemesın azaitu turaly» Qazaqstan Respublikasy prezidentınıŋ 2019 jylǧy 26 mausymdaǧy № 34 jarlyǧynyŋ küşıne ılıgetın adamdardy tolyqtai qamtu maqsatynda jarlyqty ıske asyru merzımderın ūzartu ūsynylyp otyr. Kredittık amnistiianyŋ merzımın ūzartu oǧan ılınbei qalǧan azamattardy qamtyp, olardyŋ qarjylyq jaǧdaiyn jaqsartuǧa mümkındık beredı. Qūjattyŋ jobasy 14 mausymǧa deiın talqylauǧa şyǧarylyp otyr. Aita keteiık, kredittık raqymşylyq kezınde äleumettık jaǧynan osal toptardyŋ tūtynuşylyq kreditterı boiynşa negızgı qaryzdyŋ 300 myŋ teŋgesı öteldı. Bıraq kredittıŋ jalpy somasy 3 millionnan aspauy şart.
"Adyrna" ūlttyq portaly
