Búgin qazaq fılosofııasy ǵylymy aýyr qazaǵa dýshar boldy. Ómirden kórnekti ǵalym, fılosofııa ǵylymynyń doktory, professor Saǵadı Baıuzaquly Bólekbaev ozdy. Bul týraly ál-Farabı atyndaǵy QazUÝ-dyń fılosofııa kafedrasy feısbýk paraqshasynda jazdy.
Professor Saǵadı Bólekbaev jarty ǵasyrǵa jýyq ǵumyryn ǵylym men ustazdyqqa arnap kele jatqan belgili ǵalym, pedagog, qoǵam qaıratkeri, Saıası ǵylymdar jáne Zań ǵylymdary akademııalarynyń akademıgi.
QR BǴM-niń ulttyq sarapshysy, Qazaqstan halqy assambleıasynyń keńesshisi, QR Mádenıet mınıstrligi Din isteri jónindegi komıteti sarapshylar keńesiniń múshesi, Almaty qalasyndaǵy aqparattyq-taldaý ortalyǵynyń múshesi, «Ádilet» partııasy tóraǵasynyń orynbasary, QR ǴK Fılosofııa, saıasattaný jáne dintaný ınstıtýtynyń ǵylymı jobalarynyń sarapshysy, birneshe dıssertaııalyq keńesterdiń múshesi, «Ortalyq Azııa ýnıversıteti Habarshysy», «Mádenıetter dıalogy» aqparattyq-taldaý jýrnaldarynyń bas redaktory, «D.A. Qonaev atyndaǵy Zań ýnıversıteti Habarshysynyń», Reseılik «SOTIS» federaldyq ǵylymı-praktıkalyq jýrnalynyń redakııalyq alqasynyń múshesi syndy ǵylymı jáne qoǵamdyq-saıası qyzmetterdi jaýapkershilikpen atqarǵan tulǵa.
Saǵadı Baıuzaqulynyń fılosofııa tarıhy, áleýmettik fılosofııa, halyqaralyq qatynastar, túrik halyqtarynyń tarıhy men mádenıeti, logıka, ekonomıka jáne memleket máseleleri, sana fılosofııasyna qatysty zertteýleri oqyrmanǵa etene tanys jáne úlken suranysqa ıe. Ǵalym «Balama júıelerdegi ekonomıka men memlekettiń araqatynasy», «Áleýmettik ádildik máselesi», «Qazirgi halyqaralyq qatynastardyń máseleleri», «Dılemmadaǵy Qazaqstandyq jol: Shyǵys nemese Batys?» «Jahandyq tranzıttegi Qazaqstan men irgeles memleketter», «Túrikterdiń álemdik órkenıetke qosqan úlesi», «Sana fenomeni: jańasha kózqaras», «Qazirgi Qazaqstan qoǵamynyń kókeıkesti máseleleri», «Eýrazııalyq ıntegraııa konepti: ıdeıalar jáne shyndyq», «Jahandyq ekonomıkalyq áriptestik kontekstindegi transulttyq jobalar» kitaptary men «Fılosofııa», «Logıka» pánderine arnalǵan oqýlyqtardyń, 250-den astam ǵylymı maqalanyń avtory bolǵan.
Professor Saǵadı Bólekbaev sheteldik ǵylymı ortalarda da tanymal tulǵa. Ǵalymnyń 50-den astam ǵylymı eńbegi Chehııa, Polsha, Nıderlandy, Germanııa, Pákistan, Reseı, Ýkraına, Ózbekstan, Túrkimenstan, Qyrǵyzstan, Ázerbaıjan jáne t.b. elderde jarııalanǵan.
"Adyrna" ulttyq portaly Saǵadı Baıuzaqulynyń otbasy men jaqyndaryna qaıǵyra kóńil aıtady.
