El ekı siyryn jaia alatyn jer tappasa, jerımızdıŋ keŋdıgınen ne paida?
JER BOLMASA - EL BOLMAIDY!
QR Parlamentı Mäjılısı deputaty, “Aq jol” partiiasy fraksiiasy müşesı Qazybek İsanyŋ Mäjılıstıŋ jalpy otyrysyndaǧy sözı:
Baǧzy zamannan batyr babalarymyz qany men terın tögıp, janymen qorǧaǧan qazaqtyŋ qasiettı baitaq Jerı - qai kezde de, barlyq ūǧymdardan joǧary!
Bızdıŋ däuırımızge deiın ömır sürgen Ǧūn imperiiasynyŋ qaǧany Möde babamyzdan körşıles jatqan memlekettıŋ patşasy eŋ jüirık tūlparyn sūrasa da, üiındegı asyl jaryn, ıŋkärın sūrasa da “el soǧysyp, qan tögılmei-aq qoisyn” dep berıp jıberıptı. Bar asylyn sūraǧanda ündemei kelısken qaǧan
dändegen jau Jerın sūrap kelgende, “Al endı bız soǧysamyz, tūrysatyn jerıŋdı ait!”-dep, atqa qonyp, elge ūran tastapty!
Bız sol ǧūndardyŋ ūrpaǧymyz!
Būdan bır ǧasyr būryn Alaş kösemı Älihan Bökeihan da “Jer degende dırıldemei bolmaidy” dep elge ündeu tastap edı.
Al 2016 jyly elımızde jer dauy köterılgen kezde «Aq jol» partiiasy özınıŋ naqty resmi ūstanymyn bıldırıp, jerdı şeteldıkterge satpau ǧana emes, jalǧa da bermeu turaly ūsynys jasap, dabyl qaqty. Būl ūstanym partiiamyzdyŋ Saiasi Baǧdarlamasynda da jazuly.
Al biylǧy 2021 jyldyŋ 20 qaŋtarynda Mäjılıstıŋ VII şaqyrylǧan jaŋa qūramynyŋ bırınşı ötken jalpy otyrysynda bırınşı bolyp «Aq jol» partiiasy Ükımetke Jer kodeksıne tiıstı özgerıster engızıp, eldı alaŋdatqan jer dauynyŋ şeşıluıne nükte qoiu kerektıgı turaly deputattyq saual jasady. Sodan soŋ biylǧy Ūlttyq keŋestıŋ besınşı otyrysynda Qazaqstan Prezidentı Q.Toqaevtyŋ auylşaruaşylyǧy jerın şeteldıkterge beruge tyiym salu turaly tapsyrmasy şyqty.
Bügıngı būl zaŋ jobasy Memleket basşysy tapsyrmalaryn oryndau maqsatynda jäne Jer reformasy jönındegı komissiia qyzmetınıŋ qorytyndysy.
-Jer zaŋyna qosylǧan būl özgerısterden keiın jerdıŋ paidalanyluy men qorǧaluyn memlekettık baqylau küşeiedı -qazır barlyq jerde dauǧa ainalǧan mal jaiuǧa qajettı jaiylymdardyŋ tapşylyǧyn şeşu üşın, tek qana jergılıktı halyqtyŋ mūqtajy üşın paidalanylatyn jaiylym aumaqtary aiqyndalady.El esıgınıŋ aldyndaǧy ekı siyry men bes qoiyn jaia alatyn jer tappasa, baitaq jerımızdıŋ keŋdıgınen ne paida? Qoryta aitqanda, zaŋ jobasy jer zaŋnamasyn odan ärı jetıldıruge, jer qatynastaryndaǧy barlyq problemalardy şeşuge arnaluy tiıs. “Aq jol” Jer dauyna nükte qoiuǧa şaqyrsa da, jerdıŋ dauly baptary boiynşa Jer komissiiasy taǧy da moratorii jariialady. Moratorii - 5 jyl, al Jerımız ben Elımız Mäŋgılık boluy tiıs ekenın eşqaşan ūmytuǧa bolmaidy! Öitkenı, Jer bolmasa - El bolmaidy! Halyqtyŋ baǧa jetpes asyl qazynasy - qasiettı Qazaq Jerınıŋ qadırıne jete bıleiık! “Aq jol” partiiasy halyq talabymen jasalǧan zaŋ jobasyn qoldaidy!
Qūrmetpen, “Aq jol” partiiasy fraksiiasy müşelerı
https://youtu.be/SXc-2vGJpvM
