Aqtöbe oblysynda qalaışılık jolauşylar tasymalymen ainalysatyn PATP jäne "Avtopark" JŞS jürgızuşılerı jūmysqa şyǧudan bas tartyp, aqyrynda tūrǧyndar saǧattap avtobus kütuge mäjbür boldy dep habarlaidy "Adyrna" ūlttyq portalynyŋ tılşısı.
Apta basynda mūndai "jaǧdaidy" kütpegen tūrǧyndar jolauşylar tasymalymen ainalysatyn käsıporyndardyŋ ("Jolauşylar tasymaly käsıporny" JŞS men "Avtopark" JŞS) men jergılıktı bilıkke ökpe-renışterın aituda. Sebebı būl künderı aqtöbelıkterdıŋ bırqatary jūmysqa keşıkse, endı bıreulerı baratyn jerıne jete almai, taksi toqtatqan. Al būl jaǧdaidy qalt jıbermegen taksi jürgızuşılerı qyzmet baǧasyn ösırıp jıbergen.
"Avtopark" JŞS basşylyǧy qoǧamdyq kölıkterde elektrondyq tölem jüiesı engızılgennen keiın avtobus jürgızuşılerı köldeneŋ tabystan "aiyrylyp", sol üşın zaŋsyz ereuıl jasaǧanyn aitady. Qala tūrǧyndarynan qolaisyzdyq tudyrǧany üşın keşırım sūraǧan serıktestık basşysy Meiırjan Öndırgenov halyqtyŋ jaǧdaiyn emes, öz qaltasyn oilaǧan jürgızuşılermen kelısımşartty üzetının mälımdedı. Ol tıptı qazır jūmysqa jaŋadan avtobus jürgızuşılerın ızdep jatqanyn da aityp berdı.
— Bügın qalaışılık qoǧamdyq kölık qozǧalysy qalypty deŋgeide jürdı. Degenmen avtobustardyŋ jüru intervaly öte ūzaq. Bır jerge baru üşın 1,5-2 saǧat uaqytymyz ketedı. Jol aqysynyŋ qymbattaǧany da bızge oŋaiǧa tüsıp tūrǧan joq. Degenmen arnaiy kartochka alsaŋ, ony jeŋıldıkpen töleuge bolady, — deidı Aqtöbe qalasynyŋ türǧyny Äsem Mahina.Aita ketu kerek, mamyr aiynyŋ aiaǧynda Aqtöbe qalasynda qoǧamdyq kölıkterge jaŋa tölemaqy jüiesı engızılgen. Soǧan säikes tūrǧyndar endı qolma-qol türde 150 teŋge, al arnaiy "Avtobus" kartochkasy men QR-kod arqyly 80 teŋge töleidı.
"Adyrna" ūlttyq portaly.
