"Jarnamaǧa vainerler, blogerler jäne basqa da tanymal adamdar belsendı qatysyp, zaŋsyz bizneske investisiia saluǧa qazaqstandyqtardy şaqyrǧan. Olar halyq aldynda jürgen adamdar, attaryn atamai-aq qoiaiyn, sebebı tergeu jürıp jatyr, olar "täuekelsız investisiia" üşın joǧary kırısterdı uäde etken qarjy piramidasynyŋ jarnamasyna belsendı qatysqandar. Bızdıŋ bıluımızşe, qazır sol ataqty adamdar özderı de investisiia salǧanyn jäne alaiaqtyq äreketten zardap şekkenın, qarjylyq piramidalardy ūiymdastyruşylardyŋ qūrbany bolǧanyn aitady, bıraq derek saqtalady, sız kadrlardy jarnamadan kesıp tastai almaisyz", - dedı deputat Li.
"Būl retteuşılık täsılder myŋdaǧan jäbırlenuşınıŋ sanyn jäne olarǧa keltırılgen materialdyq şyǧynnyŋ mölşerın eskermei otyr, al şyǧyn - milliardtar. Būl aqyrynda, körıp otyrǧanymyzdai, äleumettık şielenıs oşaqtaryn tuǧyzady jäne tanymal adamdarǧa qatysty zaŋsyz qarjylyq täjıribelerdıŋ aldyn aluǧa yqpal etpeidı. Qarjylyq piramidalardyŋ jarnamasyna qatysqan jūldyzdardyŋ äkımşılık jauapkerşılıkke tartylatynyn ne tartylmaitynyn, eger tartylmasa qandai sebeppen ekenın habarlaŋyz, Bas prokuror Nūrdäuletov myrza", - dedı Li.
Aita keteiık, būǧan deiın qazaqstandyq tanymal adamdar jarnamalap, qarjy piramidalary ısınıŋ arty şuǧa ainalǧan bırqatar jaittar bolǧan edı. Mäselen, biyl säuırde almatylyqtar tanymal telejürgızuşı men vainerler jarnamalap jatqan qarjy piramidasyna şaǧymdandy.
