Keshe, 3 maýsym kúni aqyn Juma-Nazar Somjúrek ómirden ótti. Bul týraly Tólemyrza Temirbekuly Facebook paraqshasynda jazdy, dep habarlaıdy «Adyrna» ulttyq portaly.
«Isataı-Mahambet batyrlardyń qaharmandyǵyn jyrlaǵan Yǵylman Shórekovtyń «El qamyn jegen erlerdiń sóz bilgen janda haqy bar» degen sózi bar. Osy aıtylǵan «el qamyn jeý» - qylysh-naıza alyp qan maıdanda erlik kórsetý ǵana emes, beıbit zamanda da eline qolynan kelgeninshe eńbek qylý. Óz basym, halyqqa qyzmet qylýdyń ozyq úlgisin kórsetken zamanaýı qaıratkerdiń biri, tipti biregeıi retinde – Juma-Nazar Somjúrek aǵany atar edim. Eger, joǵaryda atalǵan kósemsózdi aqıqı dep tanysaq, «el qamyn jegen er» retinde Juma-Nazar aǵanyń bizde qaqy bar. Qandaı deseńiz, onyń – qoǵamdaǵy ornyn, bar bolmysyn, qazaǵyma bolsyn degen patrıottyǵyn, men ólsemde el esine alsa eken degendi kútý haqy bar. Hákim Abaı aıtpaqshy: «Adam ólgen kezde emes, umytylǵanda óledi» deıdi. Endeshe Juma-Nazar aǵa ólgen joq. Sebebi ony saǵynatyn, izdeıtin, umytpaıtyn azdy-kópti ózi ómir súrgen ortady jaqsylary men jaısańdary bar. Áz-Aǵanyń joǵarydaǵy biz aıtqan haqy osy jaqsylar men jaısańdardyń osyndaı mindet-paryzynan týyndasa kerek-ti.
Endeshe qazaǵym dep onyń kóz aldynda shyqqan bıiginen alasarmaı kele jatqan bir tulǵa bolsa, ol – Juma-Nazar aǵam edi.
Aǵam, qoǵam qaıratkeri, aqyn, jazýshy, ár jyldarda mektepte muǵalim, jastar jetekshisi, respýblıkalyq «Qazaqstan aýyl sharýashylyǵy» jýrnalynda, oblystyq «Torǵaı tańy» gazetinde tilshi bolyp jumys istedi. Ótkir ádebı syndary, problemalyq, áleýmettik taqyryptardy ózek etken kóptegen maqalalary respýblıkalyq baspasóz betterinde jarııalandy. «Kóktem tynysy», «Nurly nysana» atty óleń kitaptary, «Saryarqa» tańdamaly qos tomdyq jyr jınaǵy jaryq kórdi.
Aǵanyń jas urpaqty tárbıeleýdegi sińirgen eńbegi óz aldyna, bul kisiniń adamnyń ózin-ózi taný salasyndaǵy eńbekterin oqysań órisiń keńeıedi, tynysyń ashylady. Estelik jazbalarynan janyń jadyraıdy, suhbattarynan sanań sergıdi. Aǵanyń adal jarmen aradaǵy məmilesi bar, ul-qyzdary, nemerelerimen jasaıtyn qarym-qatynasy bar, aǵaıyn-týysqa únemi kórsetetin qamqorlyǵy bar, qysqasy qaı jaǵynan da úlgi alýǵa bolady. Kún ótken saıyn qazynaǵa aınalyp, qadiri artyp kele jatqan shyn mənindegi TULǴA edi!!!
Juma-Nazar aǵa men shyǵaryp jatqan Respýblıkalyq qoǵamdyq-saıası «Tórtinshi bılik» gazetiniń turaqty avtory boldy. Aǵa bir sózinde: «Tólemyrza, seniń gazetińniń aty erekshe. Sen bul gazetti Shymkentte emes, Bas qala –Astanada shyǵar. Kel kóp bolyp kómek qolyn beremiz...»,-dep arnaıy shaqyryp edi. Kelgennen keıin de kóp kómegi tıdi. Taıaýda sóıleskenimde aǵa: «Keleli sharýalardy kóterip jatyrmyn. Jaqynda nátıjesi shyǵyp qalar. Qudaı qalasa seniń gazetiń bizge jumys jasaıtyn bolady daıyndala ber»,-dep eńseni bir kóterip tastaǵan aǵalyǵyn búgin qalaı aıtpaımyn.
Amal joq aǵamdy esime alyp, súıgen jary Aızada jeńesheme aıtarym, sizge Alla bárin berdi shúkir deńiz!
«Ómirge meniń ókpem joq,
Jamanǵa esem ketken joq.
Bireýge mende jetpedim,
Bireýler maǵan jetken joq!» – deıdi aqyn Ómirzaq Qojamuratov.
Jeńeshe, aǵaǵa jete almaǵan, onyń istegen isiniń jarymynyń jartysynda isteı almaǵan, ol kirgen esikke kirý bylaı tursyn ashpaǵandar qanshama. Siz súıgen jardy súıe almaı, Súısede tanaýy tolyp sábıiniń ıisin bir quryshy qanyp ıiskeı almaı perzentsiz ótkender qanshama?! Perzent kórip, perzenti narkoman bolyp, sol perzenttiń kúıiginen ajalynan bes kún buryn júregi
jarylyp ólip ketkender qanshama?!
Aǵam eldiń erkesi, qalaýlysy boldy. Jastyq, jigittik shaǵy jaqsy men jaısańnyń ortasynda ótti. Ózińniń boıjetken shaǵyńda Juma-Nazardaı jigittiń sultanymen tabysyp Ata-anańdy qýanttyń. Toılaryń sol kezdegi úılený toılarynyń aldy boldy. Qursaǵyńyz qutty bolyp Alla mártebelerińdi asyratyn Baýbekteı ul, Erkegúldeı qyz perzentterimen nyǵymettedi.
Siz jeńeshe óz qataryńyzdyń kóbinen kósh ilgerisiz. Eshqashan taǵdyryńyzǵa nalymańyz.
Máshhúr Júsip:
«Dúnıe túlki quıryq burańdaǵan,
Baq taısa mal men dáýlet quralmaǵan.
Kúnine toqsan bále kórseń daǵy,
Kúderińdi bir úzbe bir Alladan!» – demep pe edi. Aızada jeńeshe, Alladan eshqashanda kúder úzbeıik. Allaǵa shúkirlik jasap, táýba deıik! Juma-Nazar aǵanyń Rýhy shat bolsyn! Áýmın!», - dep jazdy ol.
Marqumnyń týysqandaryna qaıǵyra kóńil aıtamyz!
"Adyrna" ulttyq portaly
