Qazaqstanda jūmysqa qabyldau üşın sūralatyn qaǧaz anyqtamalar endı bolmaidy. Qazır jūmys beruşıge qajettı qūjattardy bırden jıberetın jaŋa servis testılenıp jatyr. Būl turaly sifrlyq damu, innovasiialar jäne aeroǧaryş önerkäsıbı ministrı Baǧdat Musin aitty, dep habarlaidy «Adyrna» ūlttyq portaly.
«Azamattarǧa da, bizneske de qatysty prosester bar. Mysaly, jūmysqa qabyldau. Halyqqa qyzmet körsetu ortalyqtarynda nemese elektron ükımet portalynan aluǧa bolatyn (qajettı) anyqtamalar milliondaǧan ret berıledı eken. Biznes-qūrylymdar sottylyǧy turaly, psiho-narkobaqylau anyqtamasy men mekenjaiyn rastaudy talap etedı. Jyl soŋyna deiın servis jasaudy josparlap otyrmyz, ol qazır testıden ötıp jatyr. Onyŋ kömegımen adamdar anyqtamalaryn eşqaida aparmasa da bolady», - dedı ol.Ministrdıŋ aituynşa, atalmyş servis jūmys beruşıge jaŋa qyzmetker turaly anyqtamalardy öz betınşe sūratuǧa mümkındık beredı.
«(Jūmys beruşı) JSN engızedı, ol alǧysy kelgen aqparatqa basady. Adamǧa būl derekterdı jūmys beruşıge elektron formatta beruge rūqsat sūrap SMS (sūraqpen) keledı. Ol «Ok» dep jauap berse, onda bız būl aqparatty jūmys beruşıge derekter bazasynan jükteimız. Iаǧni, jūmys beruşıler men HQKO arasynda arly-berlı jüru toqtaidy», - dedı ol.
